Halyqtardy jaqyndastyratyn shara

«Memsaraptama» RMK-niń uı­­­ytqy bolýymen Q.Qýanyshbaev atyndaǵy Qazaq drama teatrynda elimizdiń barlyq etnostarynyń basyn qosqan til festıvali bo­lyp ótti. Respýblıkanyń túkpir-túkpirindegi kásiporyndardyń kór­­kemónerpazdar ujymdaryn jı­na­ǵan Astanadaǵy baıqaý TMD elderiniń, sonyń ishinde, Qazaq­stan basshysy aıtyp júrgen má­denıetaralyq jáne ultaralyq ún­qatysýdy qalaı qurý kerek­ti­giniń naǵyz úlgisine aınaldy. Qazaqstannyń baılyǵy – onyń mádenı áralýandyǵynda. Kezinde respýblıka túrli halyqtardyń ortaq úıine aınaldy. Solardyń kóbiniń ózderiniń mádenıetin, salt-dástúrlerin umytpaı, ult­tyq bolmystaryn saqtaýǵa tal­pynatyny qýanarlyq jáıt. Olaı deıtinimiz, ǵalymdarynyń aıtý­larynsha, árbir eki apta saıyn bir til qoldanýdan shyǵyp qala­tyndyqtan, ǵasyrdyń sońyna taman qazirgi bar tilderdiń teń jar­tysynyń joıylyp ketýi múm­kin eken. Lıngvıster atap kórsetkendeı, halyqtardyń 80 paıyzy 80 tilde sóılese, by­laı­ǵy 3,5 myń tildi jer shary hal­qy­nyń 0,2 paıyzy ǵana qolda­na­dy. Sarapshylar muny jahan­da­ný úderisimen baılanystyrady. «Tilge qurmet – elge qurmet» degen atpen ótken festıval qa­zaqstandyqtardyń ulttyq áralý­an­dyǵyn barynsha ashyp kórsete bildi. – Festıvaldiń maqsaty – Mem­saraptama mamandaryn, ási­rese, jas urpaqty patrıotızm rý­hynda, respýblıkamyzda turyp jatqan barlyq ulttar men ul­ystardyń salt-dástúrlerin syı­laýǵa tárbıeleý, – deıdi «Memsaraptama» RMK bas dırektory Bir­lik Erejepov. – Sonymen birge qazaq halqynyń mádenı mu­ra­lary men tilin de jete úırený qajet. Baıqaý baǵdarlamasy birneshe baǵyttardy qamtydy. Aldymen qatysýshy komandalar Qazaq­stan­da turatyn halyqtardyń bi­riniń ánderi men bılerin oryn­dap, onyń ulttyq taǵamdary men kádesyılaryn tóreshiler tal­qy­syna usyndy. Ekinshi týrda baı­qaýǵa qatysýshylar qurylys ter­mınderi boıynsha bilimderin Abaı tilinde túsindirdi. Sońynda maqal-mátelderge, belgili qazaq jazýshylarynyń til týraly aıt­qan­daryna qatysty túsinikterin ortaǵa saldy. Qorytyndysynda Memsarap­ta­manyń Almatydaǵy ońtústik fı­lıaly birinshi oryndy, Asta­na­daǵy bas kásiporyn ekinshi or­yndy, «Taldyqorǵan­memsarap­ta­ma» EMK úshinshi oryndy ıelense, gran-prıdi «Shyǵysmem­sa­raptama» EMK men onyń Semeıdegi fılıaly jeńip aldy. Komandalardyń bári kásiporyn basshylyǵynyń aǵys hatt­ary­men marapattaldy. – Adamdardyń bir-biriniń má­de­nıetimen neǵurlym kóbirek ta­nysyp, halyqtardyń ózara ja­qyn­dasa túskenin qalar edim, – deıdi lezgınka bıin kelistire bılep shyqqan «Shyǵysmemsa­rap­ta­ma» EMK fılıalynyń aqpa­rat­tar jónindegi jetekshi mama­ny Talant Omarbekov, is-shara týraly óz oıyn bildire otyryp. Tilder festıvali qatysýshy­lardyń báriniń de kóńilinen shy­ǵyp, olardyń ózderin Qazaqstan halyqtarynyń úlken otbasynyń quramdas bóligi retinde sezinýine jaǵdaı jasady. Uıymdasty­rý­shy­lar baıqaýdy dástúrli túrde jyl saıyn ótkizip turý jóninde sheshim qabyldap otyr. Esen BAEV. –––––––––––– Sýretti túsirgen Igor BÝRGANDINOV.