Myń alǵys saǵan, muǵalim!

«Adamnyń bir qyzyǵy bala degen» deıdi Abaı atamyz. Ult tárbıe­siniń bastaýy bala tárbıesinde jatqany beseneden belgili. Búgingi bala – erteńgi memlekettiń tizginustar azamaty. Sondyqtan bala tár­bıesine búkil qoǵam jaýapty. Ásirese, balany tárbıeleıtin, bilim nárimen sýsyndatatyn, azamat retinde qalyp­tas­ty­ratyn mektep­tiń orny bir bólek. Qyzylorda qalasyndaǵy №3 mektep-lıseı solardyń qatarynda. Mektep-lı­seı­diń qabyr­ǵa­sy sonaý 1939 jyly qalanǵan. Bú­ginde 70 jyl­dan astam tarıhy bar mektepten talaı bilikti azamat túlep ushqan. Atal­ǵan bilim ordasy shákirt tárbıesine, bilimine jiti nazar aýdarady. О́tken oqý jy­ly mektepti 119 oqýshy bitiripti. Sol oqý­shy­lar­dyń 81-i memlekettik grant ıegeri atanyp, joǵary oqý oryndaryna tústi. «Altyn belgige» usynylǵan 8 oqýshynyń barlyǵy úmitti aqtady. Sonymen birge 5 shákirt úzdik attestatqa ıe boldy. Mektep mundaı jetistikke bala tár­bıesi úshin ty­nym kór­meıtin, árbir oqýshy­nyń sanasyn oıatyp, bi­limge degen qushtar­lyǵyn artty­ra­tyn mu­ǵalim­derdiń muqalmas qaırat-ji­geriniń arqasynda jetip otyr. Al ujymdy uıys­tyryp, jumysyn jú­ıe­lep otyr­ǵan mektep dırektory Gúljan Aı­da­rovanyń eń­begin osy oraıda aıtpaı ketýge bol­maı­dy. So­nymen qatar Merýert Ábdi­halyqova sekildi jekelegen ustazdar mektep mereıi úshin aıanbaı ter tógip keledi. №3 mektep-lıseıinde ózimniń eki balam bilim alyp jatyr. Qyzym Názıra 11-sy­nyp­ta oqıdy. Jaqsy oqıdy. Ol muǵalim­der men mekteptiń úmi­tin aqtaıdy degen senimdemin. Al ulym Narıman 8 synyp oqýshysy. Mekteptegi úzdik shákirttiń biri. Bala­la­ry­myzǵa bilim berip, olardy qanat­tan­dyryp otyrǵan mektep-lıseı ustaz­da­ry­na aıtar alǵysymyz sheksiz. Gúlmıra BEISENBAEVA. Qyzylorda oblysy.