Isimen úlgi barshaǵa

Oqýshy bolyp partaǵa otyr­maǵan, ustazdan bilim almaǵan, onyń tárbıesin kórmegen adam múldem joq ta shyǵar. Men de sol ustazdyń qamqorlyǵyna bó­len­gen­derdiń birimin. Ol – Máý­ken Ásenuly. Búkil sanaly ǵu­my­ryn urpaqqa arnaǵan usta­zym­dy kórgende oıyma Jan Jak Rýs­sonyń «Ustaz – ýaqytyńdy aıamaý, basqanyń baqytyn aıalaý» degen sózi oıyma orala beredi. Shynynda meniń ustazym Máý­ken aǵa sondaı jan. Qashan kór­seń de ulttyń uly tulǵasy Ahmet Baıtursynulynyń «Biz áýe­li eldi túzeýdi bala oqytý isin túzeýden bastaýymyz kerek» degen qanatty sózin aıtyp, mu­ǵalimderdi jumyldyryp jú­re­di. Ol 20 jyldan beri Eńbek­shiqazaq aýdany, Sógeti aýylyn­daǵy Oraz Jandosov atyndaǵy orta mektebinde dırektor bo­lyp qyzmet atqarýda. Táýbe deıik, qazir el jaǵ­da­ıy jaqsardy, halyqtyń turmy­sy ońalyp kele jatyr. Táýel­sizdiktiń alǵashqy jyldaryn­daǵy qıyndyqtar áli kúnge kóz aldymyzda. Elektr jaryǵy jıi sónip, muǵalimder aılyq ala almaǵan ýaqyttar kezdesken. Endigi jerde bilimniń basta­ýy mektepte desek, sony jetildirý arqyly elimizdiń keleshegi bolatyn urpaqty rýhy myqty jigeri naızadaı ótkir, bilimi bıik etip tárbıeleý – basty maq­­­sat. Ásirese, álemdik ozyq tá­ji­rı­­be­lerdi basshylyqqa alý, bilim maz­munyn jańasha qurý, pedago­gıkalyq basqarý úrdisin ýaqyt talabyna saı uıymdastyrý, ja­ńa tehnologııalardy oqý isine qoldana bilý – osynyń bárin ózi bas bolyp Máýken aǵa bir izge túsirip keledi. Elbasy bekitken jańa bilim baǵdarlamasyna saı oqýshylardyń densaýlyǵy men qaýipsizdigin saqtaý, memlekettik bilim standartyn múltiksiz or­yndaý, qarjylyq sharýashylyq isinde tártipti buzbaý, kadr saıa­satyn ádil júrgizý sekildi bas­ty mindetterdi ol óz jumy­sy­nyń temirqazyǵy etip alǵan. Buǵan qosa, Prezıdenttiń «Dıp­lommen – aýylǵa» baǵdar­lamasy boıynsha bıyl 4 jas mamandy qyzmetke qabyldady. Men búgin muǵalimder kúni­ne oraı ustazymnyń asyl qa­sıetterin aıta otyryp, osyn­daı úlgi ózgelerge de sabaq bolsa eken deımin. Álimǵazy ESJANOV.