Bar taǵdyrym qazaqpen baılanysty

Men bilim salasynda 13 jyldan beri eńbek etip kelemin. Osy jyldar ishinde qazaq halqy­nyń dana­lyǵyna, barsha etnos ókilderine degen keń­di­gine er­ek­­­she tánti boldym. Al tiliniń qu­diret­ti­ligin jan-tánimmen sezingen, bola­shaǵyna nyq sengen ózge ult ókilderiniń biri ekenimdi úlken maqtanysh tutamyn. Kish­ken­taıymnan qa­zaq aýy­lyn­da óstim, salt-dás­túrlerin, ádet-ǵury­­ptaryn boıyma sińirdim. Bastaý­ysh mektepti qazaqsha bitirip, ári qaraı oqýymdy ob­lys ortalyǵyndaǵy №1 orys mektebinde jalǵastyr­dym. Alaıda, odan keıingi taǵdyrym da qazaq tilimen tyǵyz baı­­lanysty boldy. Elimiz táýel­siz­dik alyp, qazaq tiline memlekettik mártebe berilgen jy­ly kóp oı­lanbastan Petropavl peda­gogıkalyq ınstı­tý­ty tarıh-fılologııa fakýlteti janynan qazaq tili jáne ádebıeti bólimine qujattarymdy tapsyryp, stýdent atandym. Qazaq tili mamandyǵyn tańdap alǵanyma esh ókin­beı­min. 1993 jyldan beri «Mem­le­ket­tik til – meniń tilim» baıqaýyna úzbeı qaty­syp, talaı ret jeńimpaz atandym. «Til jana­shy­ry» qurmet belgisimen marapattaldym. Roza Mu­hame­dııa­ro­va, Kúlǵaısha Ilııasova sekildi bala kúngi qur­bylarymmen áli qatynasyp tura­myn. Men eń­bek etetin № 26 orys mektebinde ózim qatarlas jas us­tazdar kóp. Qazaq tiliniń da­mýyna úlken úles qosyp júrgen Aıjan Tátti­bae­va, San­dýǵash Itqulova, Alma Qu­dabaevamen ju­by­myz jazylǵan emes. Sanaly ǵumyryn jas urpaq tárbıesine arnap kele jatqan Janna Drý­chı­nı­na­nyń da kómegi kóp tıdi. Bilmegenimizdi bir-birimizden úırenýden jalyqqan emespiz. «Best» gımnazııasynda eń­bek etetin Baqytkúl Taımýllına da jıi habar­la­syp, aqyl-keńesterin aıtyp oty­rady. «Saý­saq birikpeı ıne ilikpeıdi» demekshi, aýyz­birlik, tatýlyq bar jerde jumys­tyń jemisti, eńbektiń ónimdi keletini belgili. Men jetekshilik etetin 5 synyp oqýshy­la­ry­nyń da uıymshyldyǵy jaqsy. Olar ózderin Táý­elsiz elimizdiń erteńimiz dep esepteıdi. Memlekettik til­diń mańyz­dy­lyǵy men qa­jettiligin jan-tánderimen sezinip, meńge­rýge degen aıryqsha yqy­lastary súı­sin­tedi. Olarǵa otanshyldyq qasıetter tán. Ultymyzǵa, dinimizge qaramastan bárimizdi biriktirip otyrǵan uly kúsh bar. Ol – ortaq Otan, Táý­elsiz Qazaqstan, qoǵamdaǵy birlik pen yntymaq. Lıýdmıla MILIýTINA, №26 mekteptiń qazaq tili muǵalimi. Petropavl.