Tórt jylda alpys kitap

Qazaqstannyń Tuńǵysh Prezıdenti qory tórt jylda óz qarajatymen shyǵarǵan 60-tan asa kitaptyń tusaýyn kesip, kórme uıymdastyrdy. Ol eńbekterdiń arasynda Otan soǵysy ardagerleriniń, jas daryndy aqyn-jazýshylardyń kórkem shyǵarmalary, jas ǵalymdar eńbekteri, sondaı-aq Elbasynyń 70 jyldyq mereıtoıyna arnap N.Nazarbaevtyń 7 kitaptan turatyn qazaq, orys, aǵylshyn tilindegi jınaǵy bar. Kórmeni ashqan QR Tuńǵysh Prezıdenti qorynyń atqarýshy dırek­to­ry Bektas Muhamedjanov kitaptardyń árqaısysy 500 danamen ba­sylǵanyn, aldaǵy ýaqytta olardyń elektrondyq nusqasy da jaryq kóre­tinin jetkizdi. «Ásirese, 10 kitap bolyp jaryq kórgen soǵys ardagerleriniń estelikterin erekshe atap ótkim keledi. О́ıtkeni, onda búgingi ardager aǵalarymyz soǵys jyldarynda bastarynan ótkerip, kózderimen kórgen qıyndyqtardy, Otanǵa degen sezimderin shynaıy bere bilgen», – deıdi ol. Onyń aıtýynsha, kitaptar qalamyzdyń 300-den asa kitaphana, joo men mektep kitaphanalaryna tegin taratylmaq. Gúlzeınep SÁDIRQYZY.