Keıingi jas urpaqqa taǵylymy mol bul ıgilikti sharada jyldaǵydaı, ásirese, osyndaǵy pedagogıka kolledji belsendilik tanytty. Al onyń da sebebi joq emes. О́ıtkeni, bir kezde Muhań atalǵan oqý orny jaıǵasqan ǵımaratta oqyǵan. Onyń syrtynda pedagogıka kolledji, mine, uzaq jyldan beri ǵulama jazýshynyń atyn qurmetpen alyp keledi. Jazýshynyń týǵan kúnine oraı túske deıin kolledjde oqýshylar jıyny ótse, tús aýa bul shara bulardyń kúshimen Abaı teatrynda jalǵasty. «Kolledjdiń alda kele jatqan 110 jyldyq toıyna deıin oqý ornynyń tarıhy men Muhańnyń sol kezdegi ómir joly týraly derekti kitap shyǵarsaq degen oıymyz bar», deıdi kolledj dırektory, ǵylym kandıdaty Shaǵan Aldamjarqyzy.
Dáýlet SEISENULY, Semeı.
Ardagerler alleıasy ashyldy. Shymkenttegi dendrobaqta Táýelsizdiktiń 20 jyldyǵy merekesi qarsańynda “Ardagerler alleıasy” ashyldy. Tizesindegi nemeresin aıalaǵan qart músini ótkenge salaýat aıtqan, bolashaqqa jaqsy úmitpen qaraıtyn danalyqtyń bolmysyndaı seziledi. Ardagerlerdi saltanatty jıynda oblystyq máslıhattyń hatshysy Á.Dosbolov, oblys ákiminiń orynbasary Á.Bektaev, Eńbek Eri B.Shúkirbekov quttyqtady. Jyrdan shashý shashylǵan soń qarttar alleıaǵa arsha kóshetterin otyrǵyzdy. Nuraı” meıramhanasynda “Batamen baǵyń ashylsyn” kitabynyń tusaýkeser rásimi ótti.
Baqtııar TAIJAN, Ońtústik Qazaqstan oblysy.
Tóraǵa tolymdy isterge oń baǵa berdi. Memlekettik qyzmet isteri jónindegi agenttik tóraǵasy Álıhan Baımenov osy qyzmetke taǵaıyndalǵan qysqa merzimde Aqmola oblysyna jumys saparymen ekinshi ret keldi. Ol oblys ákimi Sergeı Dıachenkomen birge Zerendi aýdanynyń ekonomıkalyq jáne áleýmettik damý baǵytymen tanysty. Shaǵalaly aýylyndaǵy agrobıznes kolledjiniń oqýshylary aldynda Elbasy Joldaýynan týyndaıtyn ózekti ózgerister týraly leksııa-baıandama jasady. Sondaı-aq agenttik tóraǵasy jańa monshanyń ashylý saltanatyna qatysty. «Osy qarapaıym qýanyshtyń ózi elimizde júrgizilip jatqan reformalardyń baıandylyǵyn bildiredi», – dedi ol. Soltústik óńirdegi mektebi eń kóp aýdan sapalyq kórsetkishterdi bıik deńgeıge kótere bildi. Tóraǵa aýdan ortalyǵyndaǵy №1 mektepte de jaqsy isterdiń kóptigine rızashylyǵyn bildirdi. Al, astyq qabyldaý kásipornyndaǵy qarbalas eńbek áýenine qulaq túrgen Á.Baımenov ujym músheleriniń ıgilikke kenelýine tilek qosty.
Baqbergen AMALBEK, Aqmola oblysy.
Basqosýda baıqaý qorytyndylandy. Oblys ortalyǵyndaǵy «Kosmos» meıramhanasynda «Sal aýrýlaryna shaldyqqan azamattardy qorǵaýdyń Aqtóbe qalalyq qoǵamy» qoǵamdyq birlestiginiń músheleri bas qosty. Qazir qoǵamdyq birlestikke 1200 adam múshe. Bul joly basqosýǵa jınalǵan júzge jýyq adamǵa dastarqan jaıylyp, buǵan deıin «Erekshe bala» jobasy aıasynda el Táýelsizdiginiń 20 jyldyǵyna oraı múgedek balalar arasynda uıymdastyrylǵan «Qýanyshtyń 20 sáti» atty fotosýretter baıqaýy qorytyndylandy. Baıqaýdy uıymdastyrýǵa oblystyq ishki saıasat basqarmasy qarjylaı qoldaý kórsetti, sondaı-aq, «Dostyq» úıi men «DımashÁlı» shyǵarmashylyq ortalyǵy da kómek qolyn sozdy. Árqaısysy bes-besten sýret tapsyrǵan 30 úmitkerdiń 20-sy iriktelip, «Baqytty kezeń», «Kún sáýleli kúlki», «Otanym, óleńim, ózim», «Adal dostyq» jáne «Men ómirdi súıemin» nomınasııalary boıynsha marapattaldy. Baıqaýǵa qatysýshylar maqtaý qaǵazdary men baǵaly syılyqtarǵa ıe boldy.
Satybaldy SÁÝIRBAI, Aqtóbe oblysy.
Jas kóshbasshylar forýmy. Jylyoı aýdanynda 11 kóshbasshy klýbtan 100-ge jýyq jas bas qosqan alǵashqy forým ótti. Forým aıasynda «Azımýt» týrıstik klýby aýdan tabıǵatynyń kórikti jerlerinen, florasy men faýnasynan fotokórme uıymdastyrdy. «Bul – túrli ıdeıalar, ózara dostyq pen yntymaq bılik etetin erekshe basqosý. Sonymen qatar, balalardyń shyǵarmashylyǵyn, aqyl-oıyn damytady», deıdi forýmǵa jetekshilik etken psıholog Nellı Kýlıkovskıh. Forýmda jastar óz tájirıbelerimen bólisip, áleýmettik problemalar jóninde pikir almasty. Alaý jaǵyp, túrli oıyndarǵa qatysty.
Joldasbek ShО́PEǴUL, Atyraý oblysy.
«Jaıyq tańyna» – 80 jyl. Keshegi naryqtyń ótpeli kezeńi aýdandyq gazetterdiń jaǵdaıyn qıyndatyp jibergeni belgili. Sondaı qyspaqtan kidirmeı, múdirmeı ótken basylymdardyń biri – Aqjaıyq aýdandyq «Jaıyq tańy» gazeti. О́tken aptada onyń 80 jyldyǵy keńinen atalyp ótti. Aıtýly data qurmetine aqyndar aıtysy uıymdastyrylyp, gazettiń keshegisi men búgingisin beıneleıtin beınesıýjetter kórsetildi. Arnaıy shaqyrylǵan qonaqtar quttyqtaý tilekterin aıtty.
Temir QUSAIYN, Batys Qazaqstan oblysy.
Sot oryndaýshylar jumysyn bastady. Osydan biraz buryn Elbasy jeke sot oryndaýshylar ınstıtýtyn engizý týraly oı aıtqan. Atalǵan máseleni zerttep jáne ony bizdiń qoǵamǵa engizý kerek dep tapsyrǵan edi. Osy oraıda Ádilet mınıstrliginiń Sot aktilerin oryndaý komıteti bıylǵy naýryz aıynan bastap úmitker tulǵalardan lısenzııa alýǵa qujattar qabyldaǵan bolatyn. Qyzylorda oblysy boıynsha 4 oryn bólingen. О́tken aptada komıtet tóraǵasynyń buıryǵymen Marat Abdýl, Serikqalı Qazanqapov jáne Nurlybek Qydyrbaev jeke sot oryndaýshy bolyp taǵaıyndaldy. Sondaı-aq óńirlik alqa qurylyp, onyń tóraǵalyǵyna oblys prokýratýra organdarynyń ardageri Marat Abdýl saılandy. Jeke sot oryndaýshy qyzmetine aqy tóleý boryshkerden óndirip alynǵan qarajat esebinen júrgiziletinin aıta ketý kerek. Olar shamamen óndirilgen somanyń 10 paıyzyn ıelenedi.
Erjan BAITILES, Qyzylorda.
