AQSh-tyń qorǵanys mınıstri Leon Panetta Izraıldi «oqshaýlaý» saıasatynyń kúsh alyp kele jatqanyna óz alańdaýshylyǵyn bildirip, osy eldiń bıligindegilerdi óńirdegi burynǵy áriptesterimen dıplomatııalyq qatynasty qalpyna keltirýge shaqyrdy.
Pentagon basshysynyń pikirinshe, Izraıldi «oqshaýlandyrýdyń» arta túsýi Taıaý Shyǵysta «Arab kóktemi» degen atqa ıe bolǵan tóńkeristerge soqtyrdy. О́ńirdegi bul ózgerister Izraıl úshin tıimsiz. Vashıngton Izraıldiń Túrkııamen, Egıpetpen, basqa da eldermen yntymaqtastyq ornatýyna jan-jaqty kómek kórsetip, yqpal etýge daıyn. Pentagon basshysy Taıaý Shyǵysqa sapary aıasynda Izraıl men Palestına basshylarynyń kezdesýine qatyspaq.
Kóptegen qyzmetker qysqartylady
«Reıter» agenttiginiń habarlaýynsha, Grekııa úkimeti bıýdjet shyǵyndaryn qysqartý jónindegi sharalar boıynsha 30 myńǵa jýyq memlekettik qyzmetshini jumystan bosatý týraly josparǵa kelisim berdi.
Aty-jónin jarııa etpeýdi ótingen vıse-mınıstrdiń aıtýynsha, qysqartýǵa jatqyzylatyn memlekettik qyzmetshilerdiń alǵashqy bóligi aldymen «qysqartýǵa» túsedi. Osylaısha jyl aıaǵyna qaraı 30 myń sheneýnik eńbek rezervine aýystyrylatyn bolady. Grekııa úkimetiniń baǵalaýynsha, eldiń 2011 jylǵy bıýdjet tapshylyǵy ishki jalpy ónimniń 8,5 paıyzyn quraǵan. Bul memleket búginde defolt sheginde tur, eldiń memlekettik qaryzy 350 mıllıard eýroǵa jýyq.
Saılaý naýqanyn Naryshkın basqarady
«Edınaıa Rossııa» partııasynyń saılaý naýqanyn prezıdent ákimshiliginiń basshysy Sergeı Naryshkın basqaratyn boldy. «Kommersant» basylymynyń jazýynsha, Memlekettik Dýma saılaýynda «Edınaıa Rossııanyń» saılaýdaǵy tizimin Dmıtrıı Medvedev bastaıtyndyǵyna baılanysty osyndaı sheshim qabyldanǵan.
Atalǵan basylymnyń derekterine qaraǵanda, S.Naryshkın keshegi kúnge deıin saılaý naýqany jóninde eki jıyn ótkizipti. Al «RBK» agenttiginiń taratqan aqparattary boıynsha, saılaý naýqany barysynda aımaqtar ortalyqtan qarjylaı kómek almaıdy. О́ńirlerdegi saılaý naýqanyna bıznesmender demeýshilik kórsetetin bolady.
Tabıǵı gaz ken orny tabyldy
Shrı-Lankada tabıǵı gaz ken orny tabylǵan. El tarıhynda tuńǵysh ret tabylǵan tabıǵı gaz orny teńiz deńgeıinen 4,3 myń metr tómendikte, eldiń soltústik-batysynda kórinedi.
Tabylǵan tabıǵı gaz keniniń kólemi qanshalyqty, ol óńdeýge jaramdy ma, bul jaǵy ázirge belgisiz. Burǵylaý jumystaryn júrgizgen Cairn Lanka kompanııasy ókiliniń sózine qaraǵanda, ondaǵy kommersııalyq ónim kólemin anyqtaý úshin birshama ýaqyt qajet. Al Shrı-Lanka mınıstrler kabıneti múshesiniń aıtýynsha, tabylǵan bul ken orny shet memleketterdiń osy el aýmaǵynda energetıkalyq resýrstardy barlaýǵa qyzyqtyrady degen úmitte.
Oq atýǵa buıryq bermegen
Egıpettiń ýaqytsha basshysy jáne qarýly kúshter joǵarǵy keńesiniń tóraǵasy Hýseın Tantavı Hosnı Múbáraktiń 2011 jylǵy qańtar-aqpan aılaryndaǵy halyq tolqýlary barysynda sherýge shyqqandarǵa qarsy oq atý jóninde áskerılerge buıryq bermegenin málimdedi.
Áskerı general bul sózin 2 qazanda eks-prezıdenttiń isi boıynsha ótken jabyq sot tyńdaýy kezinde aıtqan. Dál osyndaı málimdemeni qyrkúıektiń basynda qaýipsizdik kúshteriniń sardary men polısııa generaly da jasaǵan bolatyn. Degenmen, resmı málimetter boıynsha, Egıpettegi halyq tolqýy kezinde 850-ge jýyq adam qaza tapqan edi. Kópshilik ony armııa men polısııadan kóredi.
Rabbanıdiń ólimine qatysy joq
Aýǵandyq «Hakkanı» ekstremıstik toby lıderleriniń biri Sıradj Hakkanı ózderiniń Aýǵanstannyń eks-prezıdenti Býrhanýddın Rabbanıdiń ólimine qatysy joqtyǵyn málimdedi. Muny ol VVS News jańalyqtar qyzmetine bergen suhbatynda aıtqan.
S.Hakkanıdiń sózine qaraǵanda, atalǵan toptyń ókilderi musylman elderiniń de, musylman emes elderdiń de barlaý qyzmetimen «baılanys jasap» turady. Olardyń ishinde AQSh ta bar. AQSh «Hakkanı» ekstremıstik tobyn jıhad jasaýdy qoıyp, Aýǵanstan bıligimen kelissóz júrgizýge shaqyrady. Keıbir málimetter boıynsha, «Hakkanı» tobynda 10-15 myńdaı adam bar. Top «Talıbannyń» buıryqtarymen qyzmet etedi.
Syılyq laýreattary anyqtaldy
Birqatar aqparat agenttikteriniń habarlaýynsha, medısına salasy boıynsha Nobel syılyǵynyń laýreattary anyqtalǵan.
Bıylǵy jyly bul atalymdaǵy Nobel syılyǵyna úsh ǵalym – amerıkalyq Brıýs Betler, kanadalyq Ralf Shteıman jáne Lıýksembýrg azamaty Jıýl Hoffan ıe bolyp otyr. Stokgolmdegi Karolın medısına ınstıtýtynyń janyndaǵy Nobel syılyǵyn taǵaıyndaý jónindegi komıtettiń málimdeýinshe, ǵalymdar bul syılyqqa týa bitken ımmýndyq júıege qatysty júrgizgen zertteýleri úshin ıe bolǵan. Syılyq 10 jeltoqsanda Stokgolmde saltanatty jaǵdaıda tapsyrylady.
Qysqa qaıyryp aıtqanda:
*Fılıppın sodyrlary osydan eki aıdan astam ýaqyt buryn kepildikke alǵan AQSh azamatshasyn bosatty. Sodyrlarǵa aqsha tólegeni nemese tólemegeni týraly aqparat joq.
*Reseıdiń Volgograd oblysyndaǵy kazaktar jasaǵynyń tórt múshesi stanısa atamanymen qosa esirtki saýdalady degen kúdikpen tutqyndaldy. Olardan 30 kılodan astam marıhýana tárkilendi.
*Nemis ekonomıkalyq zertteýler ınstıtýtynyń málimetteri boıynsha, Germanııa úshin Aýǵanstandaǵy áskerı naýqanǵa qatysý 17 mıllıard eýroǵa túsken.
*Tývalý memleketinde aýyz sýdyń jetispeýine baılanysty tótenshe jaǵdaı engizildi. Jańa Zelandııa úkimeti bul elge ushaqpen aýyz sý jetkizip jatyr.
Internet materıaldary negizinde ázirlendi.
