Munaıshylardyń áleýmettik jaǵdaıy kósh ilgeri

«О́zenmunaıgazdaǵy» oqıǵalardyń saldarynan Qa­zaq­stan qazynasy ondaǵan mıllıard teńgeden qaǵyldy. Ereýil kezinde 1 mıllıon tonnaǵa jýyq munaı ıgerýsiz qaldy. Bul kórsetkish 2011 jyldyń qorytyndysyna keri áserin tıgizedi», – dedi «Samuryq-Qazyna» AQ bas­qar­masynyń tóraǵasy Tımýr Qulybaev ulttyq ál-aýqat qorynyń janynan qurylǵan «Sarapshy» klýbynyń al­ǵashqy otyrysynda. Esterińizde bolar, bıyl Mańǵystaý oblysynda mu­naı­shylardyń narazylyq ak­sııasy uıymdastyrylyp, «Qarajanbasmunaı» men «О́zen­munaıgaz» qyzmetker­le­ri ashtyq jarııalady. Eń­bek kodeksiniń baptaryn sa­na­ly túrde buzǵan jumys­shy­lar kompanııa basshy­ly­ǵymen kelissóz júrgizbesten ereýilge shyqty. Ujymdyq shart negizinde sheshilýge tıisti máseleni ýshyqtyryp, eshqandaı negizsiz jumys berýshiden aılyq jalaqyny ósirýdi talap etti jáne «kompanııa basshylary eńbek jaǵ­daıynyń aýyrlyǵyna baı­lanysty munaıshylarǵa tıesili salalyq 1,8 koef­fı­sıent­ti tólemeı otyr» degen aqparat taratyp, kompanııaǵa jala japty. Tekseris bary­synda Eńbek jáne halyqty áleýmettik qorǵaý mınıstrligi men Bas prokýratýra ókilderi men Jańaózen qa­la­lyq sotynan quralǵan úki­met­tik komıssııa músheleri munaıshylardyń ereýili zań­syz, talaby orynsyz degen sheshim shyǵardy. T.Quly­baev atap kórsetkendeı, osy­nyń saldarynan el bıýdjetine orasan zor nuqsan keldi. О́ıtkeni, dál sol kezde mu­naı­shylar jumysqa shyqpaı, jambastap jatyp aldy. Keıin olardyń barlyǵy ju­mys­tan shyǵaryldy. Mun­daı sheshimge kóńilderi tol­ma­ǵan jumyskerler kompanııa basshylaryna ózderin ju­mysqa qaıta qabyldaý jáne moraldyq shyǵyndy ótep berý týraly talap qoı­yp, sotqa shaǵymdandy. Ná­tı­jesinde, Aqtaý qalasynyń №2 soty qyzmetkerdiń ju­mys ornynda 3 saǵattan ar­tyq sebepsiz bolmaýyna baı­lanysty jumys berýshi eń­bek shartyn buzýǵa quqyly ekenin alǵa tartyp, olardyń talabyn qanaǵattandyrmaı tastady. Desek te, kompanııa basshylary jumystan shyǵa­ryl­ǵan adamdarǵa túsinis­tik­pen qarap, olarǵa basqa jerlerden jumys usyndy. Biraq munaıshylar taǵy da «qy­ńy­raıyp» qaldy. Bul týraly «Samuryq-Qazyna» AQ bas­qarma tóraǵasy Tımýr Qu­ly­baev bylaı dedi: «Qara­jan­basmunaı» jáne «О́zen­mu­naıgazdan» jumystan shy­ǵarylǵan 2 myń munaıshyǵa basqa jerden bos oryndar usynyldy. Alaıda, mu­naı­shylar jańa qyzmet orny­nyń jalaqysymen kelispedi. Buǵan deıin olar 250-300 myń teńge alsa, jańa ju­mys­ta 160 myń teńge kóle­minde eńbekaqy belgilengen. Endi, olar burynǵy jal­aqy­ny talap etýde». Basqarma tóraǵasynyń atap kórsetkenindeı, el aza­mattary ózderiniń quqyq­ta­ryn bas kóterý arqyly emes, kásipodaqtardyń kómegimen qorǵaýy kerek. О́ıtkeni, ereýilge shyǵý, ashtyq jarııalaý abyroıly is emes. «Menińshe, bizdiń ujym­da úlken qatelik ketti. Bu­ryn komsomol jetekshileri ujymdaǵy árbir qyz­met­ker­ge jeke-jeke kóńil aýdara­tyn. Múmkindiginshe másele­le­rin sheship beretin. Biz osy­ǵan nazar aýdarmadyq. Bú­gingi tańda olqylyqtyń ornyn toltyrýǵa árekettenip ja­tyr­myz. Budan bylaı árbir jetekshi qyzmetkeriniń týǵan kúninen bastap, náresteli bolǵanyna deıin bilip, áleý­mettik kómek kórsetip oty­ratyn bolady. Bul kúnderi «О́zenmunaıgazda» arnaıy qurylǵan top jumys jasap jatyr. Olardyń aldynda óndiristiń ónimdiligin qa­lypqa keltirý jáne arttyrý mindeti tur. Qazirdiń ózinde biz munaı óndirýdiń tıisti mejesine jetip otyrmyz», – dedi T.Qulybaev. Sońǵy 3 jylda jergilikti jerdegi jumysshylardyń aılyq jalaqysy 6 ret ós­ken. Bul munaıshylardyń áleý­mettik jaǵdaıy basqa­lar­men salystyrǵanda kósh ilgeri degen sóz. Osy tý­ra­synda «QazMunaıGaz» Barlaý О́ndirý» AQ bas dırek­to­rynyń korporatıvtik damý jáne aktıvterdi basqarý jó­nindegi orynbasary Asqar Áýbákirov: «О́zenmunaıgaz» jumysshylarynyń jalaqy­sy Qazaqstan boıynsha eń joǵary bolyp tabylady. Qazir bizdiń jumysshylar aıyna orta eseppen 250-350 myń teńge alady. Olar aýy­symmen eńbek etedi. Me­niń­she, munaıshylardyń aılyǵy tómen deý negizsiz», – dedi. Onyń sózinshe, aılyq jal­aqydan bólek árbir ju­mys­ker jyl saıyn áleýmet­tik kómek retinde 1 mln. 200 myń teńge alady. Onyń ishin­de kompanııa qyzmet­ker­leriniń otbasy múshelerine medısınalyq kómek tegin kórsetiledi. Mundaı kómek eden jýýshyǵa da, bólim bastyǵyna da birdeı beriledi. Belgilisi kompanııa mu­naı­shylardyń áleýmettik áleýe­tin arttyryp, olarǵa qoldan kelgenshe moraldyq, materıaldyq kómek kór­se­týge tyrysyp baǵýda. Sebebi, kompanııa óz ujymynda bereke-birlik pen yntymaq bolǵanyn qalaıdy. Alaıda, muny túsinetinder de, túsin­beıtinder de bar. Qalaı bolǵanda da Mań­ǵystaý oblysynda bıyl bol­ǵan tolqýlar keler kúnderge sabaq bolýy tıis. О́zimiz úshin jáne elimizdegi beıbit ómir úshin. «Egemen-aqparat».