San baǵyttaǵy syrtqy saıasat

Syrtqy ister mınıstrliginiń resmı ókili Asqar Abdrahmanov jýrnalısterge arnalǵan dástúrli brıfıngte osy aptanyń ishinde syrtqy saıasat isinde ótetin qadaý-qadaý sharalarmen tanystyrdy. Resmı ókil Syrtqy ister mınıstri Erjan Qazyhanov elimizge jumys saparymen keletin Eýropalyq komıssııasynyń Ener­getıka máseleleri jónindegi ókili Gıýnter Ottıngerdi qabyldaıtynyn aıtyp, kezdesý barysynda Qazaqstan Prezıdenti Nur­sul­tan Nazarbaevtyń 2010 jylǵy qa­zan­daǵy Eýropalyq Odaqtyń bas páterine ótken sa­pa­ry barysynda qol jetkizilgen ýaǵdalas­tyq­tardyń júzege asyrylýy tal­qyla­natynyn jetkizdi. Al 5 jáne 8 qazan aralyǵynda Qa­zaq­stan  Prezıdenti Nursultan Nazarbaevtyń shaqyrýymen Lıtva Prezıdenti Dalıa Grıbýskaıteniń Astanaǵa resmı sapary bolyp, onyń barysynda memleket bas­shy­lary­nyń qatysýymen ekeýara jáne ke­ńeıtilgen quramda kelissózder ótkizý, bir­qatar úkimetaralyq kelisimderge qol qoıý josparlanypty. Sondaı-aq, Grıbýskaıte hanymnyń Parlament Májilisiniń Tór­aǵasy Oral Muhamedjanovpen jáne Premer-Mınıstr Kárim Másimovpen kezdesýleri josparlanypty. Asqar Abdrahmanov brıfıngte Qa­zaq­stan men Japonııa arasyndaǵy ekonomı­ka­lyq yntymaqtastyq jónindegi úkimettik jáne jekemenshik sektorlardyń  kezekti úshinshi birlesken komıssııasy Astanada ótetininen de habardar etip, 6-7 qazanda Rabat qalasynda Qazaqstan Respýblıkasy men Marokko Koroldiginiń Syrtqy ister mınıstrlikteri arasynda saıası konsýltasııalar bolatynyn da qaperge salyp, qazaqstandyq delegasııany Syrtqy ister mınıstriniń orynbasary Qaırat Sary­baıdyń bastap baratynyn jetkizdi. Osy aptada elimizdiń syrtqy saıasat ve­domstvosynyń basshysy Erjan Qazy­ha­nov ırandyq áriptesi Álı Aqbar Salehıdiń shaqyrýymen Tehranǵa jumys saparymen baryp, onyń aıasynda Irannyń joǵarǵy bas­shylyǵymen kezdesýler ótkizetini jos­par­lanyp otyrǵan kórinedi. Kezdesýler ba­rysynda memleketter arasyndaǵy ekijaqty qatynastar, ózekti aımaqtyq jáne halyq­ara­lyq máseleler qaralyp, taraptar múshe bolyp otyrǵan halyqaralyq uıymdar sheń­berindegi yn­ty­maqtastyqty nyǵaıtý jaıy da talqy­la­na­dy, dedi resmı ókil. Aldaǵy sapar eki el arasyndaǵy saıası únqatysýdyń nyǵaıýyna, saýda-ekonomıkalyq, mádenı-gýmanıtar­lyq salalardaǵy qarym-qatynas­tardyń odan ári órbýine múmkindik bermek. Sondaı-aq, Eýropa Keńesiniń Bas hatshysy Týrbern Iаglandt ta osy apta ishinde alǵash ret elimizge resmı saparmen kelmek. Onyń sheńberinde mártebeli qo­naq­tyń Qazaqstan basshylyǵymen jospar­lanǵan kezdesýleri barysynda elimizdiń osy mańyzdy eýropalyq qurylymmen ynty­maqtastyq máseleleri talqylanady. Bıyl Semeı synaq polıgony jaby­lýy­nyń 20 jyldyǵyna oraı Elbasy Nur­sul­tan Nazarbaevtyń Jarlyǵymen Iаdrosyz álem úshin atty  forým ótkiziledi. Eki bólimnen turatyn forýmnyń alǵashqy kúni 12 qazanda Astanada bastalyp, 13 qazanda Semeıde jalǵasady, dedi resmı ókil.  Táýelsizdik sa­raıynda ótetin konferen­sııa­nyń taqyryp­tary arasynda Iаdrolyq synaqtarǵa jappaı tyıym salý jónindegi sharttyń (IаSJTSh) dereý kúshine enýi boıynsha jahandyq áre­ketterge qosymsha serpin berý, Iаdrolyq qarý men basqa da ıadrolyq jarylǵysh qu­ral­darǵa arnalǵan ydyraǵysh materıal ón­dirisine tyıym salý jónindegi shartty ázir­leý, ıadrolyq qarýdan bos aımaqtar qaǵı­da­laryn tıimdi engizý jáne Prezıdent Nur­sul­tan Na­zar­baevtyń bastamasymen Iаdro­syz álemniń jalpy deklarasııasyn qabyl­daý boıynsha naqty usynystar jasaý kóz­de­linip,  so­ńyn­da konferensııanyń qory­tyn­dy qu­jaty – Iаdrosyz álem úshin Astana dek­la­rasııasyn qabyldaý josparlanyp  otyrǵan kórinedi. Forýmǵa qatysý úshin birqatar halyq­aralyq uıymdardyń basshylary, ıadrolyq qarýsyzdaný salasyndaǵy jetekshi róldegi memleketterdiń syrtqy saıasat vedomstvo­larynyń laýazymdy tulǵalary, qarýsyzda­ný jáne taratpaý isine eleýli úles qosqan nemese memleketimizdiń táýelsizdiktiń al­ǵashqy jyldarynda ıadrolyq qarýsyzda­ný­yn júzege asyrýǵa qatysqan ardager saıasatkerler, sonymen qatar, álem memle­ket­teriniń úkimetteri men parlamentteriniń, ǵa­lymdar men sarapshylar qaýymdasty­ǵy­nyń, taratpaý men qarýsyzdaný salasyn­da­ǵy bedeldi halyqaralyq úkimettik emes uı­ym­dardyń, sheteldik dıplomatııalyq korpýstyń ókilderi shaqyrylǵan. Anar TО́LEÝHANQYZY.