Astyq tasymaldaý jaıy qaraldy

«Qazaqstan  temir joly»  Ult­­­tyq kompanııasy» AQ-tyń» Astanadaǵy bas  ǵımara­tyn­da  kom­panııa fı­lı­aly – Ta­sy­maldaý dıreksııasynyń dırek­tory Ermek Tólegenovtiń tór­aǵa­lyǵymen astyq tasy­mal­daý jaı­y­na arnalǵan keńes ótti. Oǵan Aýyl sharýa­shy­ly­ǵy mınıstrligi, «Qazaq­stan­nyń As­tyq odaǵy», «Azyq-túlik ke­lisim-shart korp­ora­sııa­sy» UK» AQ  syndy ózge de astyq tasy­ma­­ly­na qatysy bar mekemeler men júk jó­­nel­týshi kási­p­oryn­dar ókilderi qa­tysty. E.Tólegenovtiń aıtýynsha, qyr­­kúıek aıynyń sońyna deıin 735 myń tonna astyq tasymaldaý josparlanǵan. Onyń 535 myń tonnasy respýblıkaishilik baǵ­dar­larǵa belgilense, 200 myń ton­nasy eksportqa shyǵarylmaq. Ázirge Qazaqstan astyǵyn Ázer­baıjan, Qyrǵyz Respýblıkasy, О́z­bekstan satyp alýda eken.  Qyr­­kúıektiń 17-sinen bastap Aqtaý porty arqyly Iranǵa qa­raı táýligine eki myń tonna as­tyq tıelse, sońǵy onkúndikte ol kólem úsh myń tonnaǵa jetkizilýde. Táýligine 30 astyq vagondary Iran, Aýǵanstan, Tájikstanǵa júk tıeýde. Bul qarqyndy áli de eseleı túsý qajet. Bıyl Qa­zaq­stan táýelsizdiginiń 20 jyl­dy­ǵyna 20 mıllıon tonnadan astam dán jınaǵaly otyrǵan dıqan­dar­dyń esil eńbegin joqqa shyǵar­maý­dyń joldary qarastyrylǵan. Aýyl sharýashylyǵy mınıstrligi aıyna mıllıon tonna astyq ta­symalyn uıymdastyrý qajet­ti­gin aıtsa, ol maqsattaǵy barlyq sharalardy oryndaý júk jó­nel­týshiler, Azyq-túlik korpo­ra­sııa­sy, kólik qyzmeti kásiporyndary birlese jumylǵanda ǵana nátı­jeli bolmaq. Eń aldymen, elimiz turǵyn­dary­na qajetti astyq qoryn ja­saqtap alýǵa týra keledi. Aldyń­ǵy jyldarǵy qyrkúıek aıyn­da­ǵy mejelerge qaraǵanda bıyl kór­­setkish joǵary. Máselen, 2009 jyly respýblıkaishilik baǵ­­darlarǵa qyrkúıek aıynda 303 myń tonna bıdaı tasymal­dan­sa, 2010 jylǵy qyrkúıekte 396,6 myń tonnaǵa  jetkizilgen. Bı­ylǵy qyrkúıekte 535 myń ton­na­ǵa jetkizý josparlanyp otyr. Alaıda, mamandardyń aı­tý­yn­sha, bıylǵydaı as ta tók astyq shyǵyp, ony jınap alýdyń sáti túsken kezde, shashpaı-tókpeı jınap alýdyń múmkindigi temir­jol­shylarǵa da qıyndyqpen keletin túri bar. Osyǵan oraı kóliktik servıstik qyzmet ókilderine reseılik áriptesterimen kelisim-shart túzip, jedel túrde iske kirisýge tapsyrma berildi. Ábdirahman  QYDYRBEK.