Otanǵa sheksiz qyzmet etýdiń ónegesi

Qorǵanys mınıstri Ádilbek Jaqsybekov «Qarýly Kúshter ardagerleri» respýblıkalyq qoǵamdyq birlestiginiń tóralqasymen kezdesti, dep habarlady Qorǵanys mınıstrliginiń baspasóz qyzmeti. – Biz Qarýly Kúshter ardagerlerine rı­za­myz. Olardyń arqasynda áskerdegi jáne áskerge shaqyrylýshy jastarǵa patrıot­tyq tárbıe berýge kóptegen paıdaly ju­mys­tar atqaryldy, – dep atap  ótti. Qor­ǵa­nys mınıstri. – Ardagerler birlestigi shyn máninde bizge  Qarýly Kúshterge  belsendi kómek kórsete alatyn kúshke aınaldy. Otanymyzǵa janqııarlyqpen qyzmet et­kender búginde Qazaqstan armııasyna  ofı­serler korpýsynyń  kásibıligin art­ty­rýǵa óz kómekterin kórsetip keledi. Olar áskerge  shaqyrylýshy jastarmen kezdesedi, ata-analarmen birge jastardy armııa qataryna ózderiniń konstıtýsııalyq boryshyn óteýge attandyrady, bul, árıne, jaqsy dástúr. Qarýly Kúshter ardagerleri búginde sapta: jas azamattarǵa ózderi ómirde basshylyqqa alǵan patrıottyq ıdeıalaryn úıretýden jalyqpaıdy. Olar jeńil jol tańdaǵan joq, óz joldastaryn jolda qal­dyr­mady, aspandaǵy juldyzǵa qol soz­bady. Juldyzdar olardyń ózderin tapty, alǵys pen maqtaýǵa ıe boldy. Bolashaq Otan qorǵaýshylardyń sózimen aıtqanda, Otanǵa sheksiz qyzmet etýdiń ónegesi bolǵan ardagerlermen kezdesken árbir sát olardyń  máńgilik esterinde qalmaq. Kezdesý sońynda qorǵanys vedom­stvosynyń basshysy Qazaqstan armııa­sy­nyń zapastaǵy jáne otstavkadaǵy gene­ral­da­ry men ofıserlerine belsendi patrıot­tyq jumystary úshin alǵys aıtty, sony­men birge, «Qarýly Kúshter ardagerleri» respýblıkalyq qoǵamdyq birlestigi uı­ym­dastyrý jaǵynan kúsheıip, halyqaralyq salada óz qyzmetiniń baǵytyn keńeıte túsýi qajettigin atap ótti.