Senat bıýrosynyń otyrysy ótti

Keshe Parlament Senatynyń Tóraǵasy Qaırat Mámıdiń tóraǵalyq etýimen bolǵan Parlament Senaty bıýrosynyń otyrysynda Májilis maquldaǵan zań jobalary komıtetter men Senat apparatyna berildi, dep habarlady Senattyń baspasóz qyzmeti. Otyrysta Qarjy jáne bıýd­jet komıteti «Qazaqstan Res­pýb­lıkasynyń keıbir zańna­ma­lyq aktilerine bank qyzmetin jáne qarjy uıymdaryn táýekel­derdi azaıtý turǵysynan retteý má­seleleri boıynsha ózgerister men tolyqtyrýlar engizý tý­raly» zań jobasy boıynsha negizgi komıtet bolyp belgilendi. Al Zańnama jáne quqyqtyq máseleler jáne Halyqaralyq qatynastar, qorǵanys jáne qaýip­siz­dik komıtetteri tıisinshe «Qa­zaqstan Respýblıkasy men Birikken Arab Ámirlikteri ara­syn­daǵy Qylmystyq ister boıynsha ózara quqyqtyq kómek kórsetý týraly kelisimdi ratıfıkasııalaý týraly» jáne «Qazaqstan Res­pýb­lıkasynyń Úkimeti men Qyr­ǵyz Respýblıkasynyń Úkimeti arasyndaǵy óteýsiz áskerı-teh­nıkalyq kómek kórsetý týraly kelisimdi ratıfıkasııalaý týra­ly» zań jobalary boıynsha negizgi komıtetter bolyp belgilendi. Bıýro otyrysynda sondaı-aq bıylǵy 6 qazanda bolatyn Se­nat­tyń kezekti otyrysynyń kún tár­tibi týraly usynystar da qaral­dy. Aldaǵy jalpy otyrysta «2011-2013 jyldarǵa arnalǵan respýblıkalyq bıýdjet týraly» Zańǵa ózgerister men tolyqty­rý­lar engizý týraly» zań jobasyn talqylaý josparlandy. Al «Neke (erli-zaıyptylyq) jáne ot­ba­sy týraly» kodekstiń jobasy, sondaı-aq «Qazaqstan Respýblı­ka­synyń keıbir zańnamalyq aktilerine uıymdasqan qylmysqa qarsy is-qımyl máseleleri boı­yn­sha ózgerister men tolyq­ty­rýlar engizý týraly» jáne «Qa­zaqstan Respýblıkasynyń keıbir zańnamalyq aktilerine ekologııa­lyq máseleler boıynsha ózgeris­ter men tolyqtyrýlar engizý tý­raly» zań jobalary ekinshi oqy­lymda qaralatyn boldy.