Álem chempıonatynda álsiz boksshy joq

Qazaqstan ulttyq quramasynyń bas bapkeri Myrzaǵalı Aıtjanovpen móltek suhbat – Bokstan ótip jatqan álem chempıonaty bel orta­syna keldi. Bizdiń boksshylar­dyń jekpe-jekteri týraly ne aıtar edińiz? – Aldymen basynan bastap aıtaıyn. Bizge jerebeniń eń qıy­ny Birjan Jaqypqa tús­ti. Ol kezinde Kýba boks­shysyn utqan bola­tyn. Biraq, Kýba­nyń aty Kýba ǵoı. Ol jerde boks jaqsy da­my­ǵan. Kýba – álemdegi boks jaq­sy damyǵan derjava­lar­dyń biri. Bostan­dyq eliniń boksshysyn Bir­jan bir ret jeńse de ony ońaı qarsylas deýge bolmaı­dy. Kezinde kýbalyqtarmen Ermahan Yby­raıymov, Nur­jan Smanov, Bolat Ju­mádilov, Baqtııar Artaev, Ba­qyt Sársekbaev kezdesken. Birjan kýbalyq­pen ekinshi, úshinshi ret joly túıisse, jaqsy bolar ma dep oılaı­myn. Osy chempıonatta Birjan bar múmkindigin berip qoıdy. Ulttyq quramanyń bapkerleri oǵan úmit artqan edi. Biz ol tek joldama emes, júlde ala ma dep oılaǵanbyz. О́mir degen osy. Ár nárseniń súıinishi men kúıinishi bolady. – Jigitterdiń múmkindigi qan­daı dep oılaı­syz? Kimniń altyn, kúmis, qola medalge úmiti bar? Nııazymbetov, Sýjanov, Eleýsinov chem­pıo­natqa alǵash ret qa­tysyp otyr. Olardyń júldege iligýge múmkindigi bar ma? – Bári ekinshi, úshinshi kezdesýlerinen keıin ashylady. Sol kezde kimniń qandaı múmkindigi bar ekeni kórinedi. Boksshy­lary­myzdan úmit kútemiz, árıne. Bári jaqsy daıyn­dyqpen keldi. Ásirese, Dychko týra­ly aıtsam, onyń osydan eki-úsh jyl buryn salmaǵy 97 kılo bola­tyn. Qazir 104 kılo. Eki jylda eseı­di. Boıy men salmaǵy sáıkes kelip tur. Onyń da júldege dámesi bar. Basqa ne aıtaıyn, bárin shar­shy alań kórsetedi ǵoı.