Jastar jıyny jarqyrap ótti

El táýelsizdiginiń 20 jyldy­ǵyna oraı uıymdastyrylǵan ob­lystyq jastar men stýdentterdiń «Biz – elimizdiń bolashaǵymyz» atty forýmy aıasynda balalar uıymdary men qoǵamdyq qoz­ǵa­lysynyń kóshbasshylarynyń I ob­lystyq sleti ótkizildi. Ony ót­kizýdegi maqsat balalardy ulttyq jáne jalpy azamattyq qun­dy­lyqtarǵa sáıkes jeke tulǵa etip tárbıeleý, olardyń boıynda qa­zaqstandyq patrıotızmdi qalyp­tastyrý. Sletke qala jáne aýdan mektepterinen úzdik oqıtyn, 300-den astam oqýshy, balalar uı­ym­darynyń jetekshileri, aǵa tá­lim­gerler, jas kóshbasshylar qa­tysty. Sodan keıin Qazaqstannyń Tuń­­ǵysh Prezıdenti atyndaǵy saıa­baqta «Biz – elimizdiń bolasha­ǵy­myz» atty jastar men stýdent­terdiń oblystyq forýmy ótki­zil­di. Munda «Aýyldyń gúldenýi – Qazaqstannyń gúldenýi» ma­ra­fon-estafetasyna qatysýshy­lar­dy marapattaý boldy. Marapattaý rásimine «Jasyl el», stýdenttik qurylys jáne pedagogıkalyq ja­saqtarynyń, «Aýyldyń gúldenýi – Qazaqstannyń gúldenýi» mara­fon-estafetasynyń 4000 úzdik­teri qatysty. Oblys ákimi Arhımed Muhambetov forýmǵa qaty­sýshylar aldynda sóz sóı­ledi. Ol marafon-estafetaǵa qa­tysý­shy­lar­dyń qyrýar jumystar jasa­ǵanyn tilge tıek etti. Ma­rafon-estafetaǵa, stýdenttik qu­rylys jasaqtaryna bıyl 92 myń jas qatysty. Bul onyń aldyn­daǵy jylǵa qaraǵanda, olardyń qatary 22 myń jasqa kóbeıgenin kór­se­tedi. Olar 400 eldi mekendi kó­riktendirip, kógaldandyryp, kúl-qoqystan tazartqan. Naq­ty­lap aıtqanda, 300 saıabaq, 1000 kó­she­ler men alleıalar, 200 áleý­met­tik nysandar tazartylyp, tár­tipke keltirilgen, 20 myń tonna qoqys shyǵarylǵan. Oblys ákimi Arhımed Muhambetov marafon-esta­fe­tada, «Jasyl el» jáne stýdenttik qurylys jasaqtarynda jaqsy jumys istegen úzdikterge, jasaq komandırlerine 55 jeńil avto­kó­liktiń kiltin tapsyrdy. Aý­dan­dar­dyń qaı-qaısysy da jeńil kó­likten qur qalmady. Sonyń ishinde bul baǵyttaǵy jumysty jaq­sy uıymdastyrǵan Muǵaljar aýdanynyń tórt bilim mekemesi avtokólikke ıe boldy. Budan bas­qa 1200 jasqa noýtbýk, 2500 sar­bazǵa Astana qalasynda demalyp qaıtýǵa joldama tabys etildi. О́ńir basshysy marafon-estafe­ta­nyń aldaǵy jyly da jalǵasaty­nyn, alaıda, jastardyń turǵyn úı qurylysyn salýǵa, gaz jáne sý qubyrlaryn júrgizýge tartyla­tynyn jetkizdi. Satybaldy SÁÝIRBAI, Aqtóbe oblysy.