- О́zderińizge belgili, Elbasynyń bastamasymen Aral teńiziniń soltústik bóligin saqtaý jóninde Qazaqstan aýqymdy sharalar nátıjesinde, Aral óńiriniń ata kásibi - balyq sharýashylyǵy salasy jańa deńgeıge kóterilip, qarqyndy damýda. «Batys Eýropa-Batys Qytaı» avtodálizi men Eýrazııalyq ekonomıkalyq odaqtyń qurylýy biz úshin kórshi memlekettermen baılanystar jasaýǵa jáne ınvestısııalyq jobalardy júzege asyrýǵa mol múmkindik berýde. Sonyń aıqyn dáleli – búgingi sletke qatysyp otyrǵan reseılik kásipkerlerimizben birigip salǵan Reseıdiń Ýlıanovsk oblysyndaǵy «Dımıtrovgrad balyq ólkesi» balyq óńdeý zaýyty. Zaýytqa shıkizat negizinen Aral teńizinen jetkiziledi. Balyqtyń sapasy jaqsy, naryqtaǵy suranysy da joǵary,- dep atap ótti oblys ákimi Qyrymbek Kósherbaev.
Oblys ákiminiń aıtýynsha, búginde aral balyǵy Danııaǵa, Polshaǵa, Reseıge, Grýzııaǵa jáne Ázerbaıjanǵa eksporttalady, al Aral teńizinen jylyna 8 myń tonnaǵa jýyq balyq aýlanady.
Sondaı-aq sletke «Kattagetten Aral teńizine deıin» jobasyna qatysýshylardyń biri, «Tiri teńiz» birlestiginiń zertteýshi-ıhtıology Iаn Krıstıan Grıýıer Larsen qatysty.
- Kezinde, sýdyń tuzdanýynan Aral teńizinde jalǵyz qalǵan kambala balyǵyn aýlaýdy danııalyq Kýrt Krıstensen bastaǵan balyqshylar úıretip, «Kattegattan - Aralǵa deıin» jobasyn júzege asyrdy. Birlesip jasalǵan jumystyń nátıjesinde balyqtyń 22 túri qaıta paıda bolyp, balyq óndirý kólemi birneshe ese ósti,- dedi Qyrymbek Kósherbaev.
Slet barysynda balyq sharýashylyǵy salasynyń ardagerleri men birqatar jumysshylar QR Aýyl sharýashylyǵy mınıstrligi men oblys ákiminiń medaldarymen, Qurmet gramotalarymen jáne Alǵys hattarymen marapattaldy.
Sonymen qatar, slet aıasynda biraqatar is-sharalar uıymdastyryldy: «Qamystybas» balyq pıtomnıgine ekskýrsııa, óńirdiń balyq sharýashylyǵynyń tarıhyna qatysty jádigerler men balyq ónimderiniń kórmesi, Aral bekire balyǵyn syrǵalap sýǵa jiberý, balyq aýlaýdan jarys, balyq ónimderinen as ázirleý jáne gala-konsert.
Anyqtama: Balyq sharýashylyǵy Qyzylorda oblysy ekonomıkasynyń eń mańyzdy salalarynyń birine aınalýda. Búginde segiz balyq óńdeý zaýytynyń úsheýi balyq ónimderin Evropaǵa eksporttaýǵa qajetti Evrokodtarǵa ıe. Tek sońǵy 4 jylda aımaqta balyq óndirý kólemi 65%-ǵa, al balyq ónimderiniń eksporty -3 esege ósti.
