Jeńiske bergisiz oıyn

Keshe keshkisin kári qur­lyqtyń kókmaısa alańdaryn­da 2012 jyly fýtboldan Pol­sha men Ýkraına elderinde ótetin Eýropa chempıonaty irikteý týrnıriniń eń sońǵy oıyndary ótti. Osy kúni Qazaqstan ulttyq qu­ra­masy «Astana – Arena» sta­dıo­nyn­da irikteý týrnıriniń sońǵy matchyn Avstrııa komandasymen ót­kiz­di. Bul elmen bizdiń quramamyz ÝEFA quramyna kirgen kezden beri ekinshi ret kezdesti. Osy kezdesýde ulttyq quramamyz Avstrııamen bol­ǵan birinshi oıynda jibergen esesin qaıtarǵysy kelse de, dittegen maqsatyna jete almady. Desek te, elimizdiń bas komandasynyń keshegi oıynyn jeńiske bergisiz deýge bolady. Bul matchta bizdiń jigitter namysqa tyrysyp, óner kór­setti. Kezdesýdiń sońynda 94 mı­nót boıy alań ıeleriniń shabýyl­da­ryna toıtarys bergen avstrııa­lyq­tar eston tóreshisiniń ashy ysqyry­ǵynan keıin ýh degendeı boldy. Osy matchty elimizge bas bapker bolyp Beranek myrza kelgeli beri ulttyq quramamyzdyń eń jaq­sy oıyndarynyń qataryna jat­qyzýǵa bolady. Kezdesýdiń birinshi jar­tysy eki eldiń alma-kezek shabýyl­darymen ótti. Avstrııa qu­ra­ma­synyń Germanııa sııaqty qaı elde, qaı jerde bolsa da qar­sy­las­tary­men saýatty oınaı­ty­nyn bilemiz. Eki eldiń oıyn órnegi bir-birine uqsas, keı jerde ekeýi bir-birin to­lyq­t­yryp otyrady. Eń bastysy Avstrııa óziniń kórshilesi sekildi qorǵanysta qamalyp, kút­pe­gen jaǵ­­daıda shabýyl jasaı ala­tyn komanda ekenin aıtý kerek. Keshegi oıynda olar osy tásildi biz­diń jigitterge qoldanýǵa tyrysty. Degenmen, bizdiń qurama da qarap qal­mady. Oıynnyń birinshi taı­myn­da avstrııalyq Mark Janko, Stefan Kýlovıs, Paýl Shar­ner­diń shab­ýyl­daryna qarsy Sergeı Grıdın, Genrıh Shmıdtgal, Muh­tar Muh­tarov, Azat Nurǵalıev alys­tan, jaqyn jerden bir-birine pas berip, qarsylastardyń qaqpa­sy­na qaýipti jaǵdaılar jasap jat­ty. Biraq, bizdiń soqqylardyń eshqaısysy  ny­sanaǵa dál tımedi. Jalpy, birinshi taımdy eki jaq­tyń bir-birin zertteýimen ótti dese bolady. Bizdiń el Avstrııa qur­a­masy úshin ońaı shaǵylatyn jań­ǵaq emes. Olar muny jaqsy biledi. Byl­tyr Venada ótken oıynda Avstrııa Qazaqstan quramasyn 2:0 esebimen jeńgenimen, eki goldy da 90-shy mınótten keıin salǵan bola­tyn. Sondyqtan Výndertım koman­da­sy baıaǵydan beri ese qaıtarý úshin eki alaqanyn ýqalap otyrǵan bizdiń elge jeńis úshin emes, jeńil­meı, teń oınaý úshin de kelgen be deısiz. Keshegi oıynnyń birinshi jartysy osyndaı áser qal­dyrady. Al ekinshi taımda taraptar sha­b­ýyl­­daryn údetip, birinshi bolyp gol soǵý úshin oınaǵanyn aıtý kerek. Bul jerde bizdiń quramanyń jigitteri qoldan kelgen múmkin­diktiń bárin jasady. Bizge ásirese Sergeı Grıdınniń, Muhtar Muh­tarov­tyń, Genrıh Shmıdtgaldyń, qaqpashy Andreı Sıdelnıkovtyń, Qaırat Nurdáýletovtyń oıyn ór­negi una­dy. Qurama sapynda jara­qatyna baılanysty birneshe oıyn jiberip alǵan «Aqtóbe» klýbynyń qaqpa­shy­sy qarsylastardyń qaýip­ti soq­qylaryn qaıtaryp, jan­kúıer­­ler­diń iltıpatyna bólendi. Al Bel­gııa­men oıynǵa qaraǵan­da, saýatty oınaǵan jigitterimiz Sıdel­nıkov­tyń qaqpasyn tas qamaldaı qorǵap otyrdy. Grıdın týraly áńgime bólek. Bul oıynda onyń úsh ret dop soǵýǵa múmkindigi boldy. So­nyń ekeýinde asyǵystyq jasap, qaqpaǵa tıgize almasa, úshin­shisi 100 paıyz gol bolatyn múm­kin­dik edi. Oıynnyń aıaqtalýyna shamamen 15 mınót qalǵanda oń qap­tal­­dan áýeletip berilgen dopty ol qaq­panyń mańdaıshasyna tıgizdi. Osy sátte jankúıerlerdiń bári jar­ty mınótteı ishin tartty. Sodan keıin bizdiń shabýyldar qaıta jal­ǵa­syp, qarsylastarymyz endi esin jııa almaı qorǵanýǵa kóshti. Match­tyń sońǵy 10 mınóti bizdiń basym­dylyqpen ótti. Al kezdesý­diń sońǵy sekóntterinde jigitter­diń taǵy bir qaýipti jaǵdaı jasaýǵa múmkindigi boldy. Buıyrmaǵan gol taǵy bol­mady. Amal ne, bizge osy kúni jeńis qyryn qarady. Tek je­ńil­megenimiz úshin ózimizdi jubatý­ǵa týra keledi. Árıne, alda áli talaı jarystar bar. Sol syndarda ult­tyq qurama­myz azýly komandalarǵa laıyqty qarsylas bolatynyna senemiz. Bıyl­ǵy Eýropa chempıonaty irikteý týrnırinde Qazaqstan qura­ma­sy sońǵy or­yn­da qalsa da kári qurlyqtyń tis qaqqan elderine qalpaǵyn basynan uryp túsiretin komandalardyń qatarynan emes ekenin dáleldedi. Bul jerde bas bapker Mıroslav Beranektiń ult­tyq quramanyń oı­ny­na jańa kóz­qaras, ekinshi dem ber­genin aıtýǵa tıispiz. Osy ma­man­nyń komanda tizginin ustaǵaly beri ótkizgen bes matchta  Qazaqstan quramasy bedeli bıik komandalar sanasatyn jańa deńgeıge shyqty. Kelesi jyly Qazaqstan qu­ramasy álem chempıonaty irikteý týrnırine taǵy qatysady. Bul joly bizdiń qurama Avstrııa jáne Germanııamen taǵy kezdesedi. Irlandııa, Farer araldary men Shvesııa quramalary da bizben bir topta oınaıtyn komandalar bolady. Dastan KENJALIN.