Sondaı-aq, jıyn barysynda bilim berý salasynyń sybaılas jemqorlyqqa beıim keletini aıtyldy. Sonyń aldyn alý maqsatynda oqýshylarmen tárbıe jumysyn júrgizetin «Adal urpaq» klýbtary qurylyp, memlekettik grantqa qujat qabyldaý avtomattandyrylyp, joǵary oqý oryndarynda túsindirý jumystary atqarylǵan. Birneshe joǵary oqý oryndary adaldyq qaǵıdatyn qatań ustanatyn bilim ordasy retinde «Sybaılas jemqorlyqqa qarsy hartııaǵa» qol qoıdy.
Májiliske qatysýshylardyń pikirinshe, eń áýeli sybaılas jemqorlyqtyń ekonomıkalyq negizderin joıyp, bıýdjet qarjysyn paıdalanýǵa, memlekettik satyp alýǵa, memlekettik múlikti qoldanýdy baqylaýdy kúsheıtý, akademııalyq adaldyq negizderin engizip, ruqsat berý prosedýralaryn qysqartyp, JOO-larda stýdentterge qyzmet kórsetý ortalyqtaryn ashyp, mektep jáne mektepke deıingi tárbıe mekemeleri dırektorlaryn konkýrstyq irikteý prosedýralarynyń ashyqtyǵyn qamtamasyz etý qajet. Sonymen qatar, mektep muǵalimderiniń sanattar, qosymsha júkteme men oqý saǵatyn alý barysynda kezdesetin keıbir derekter de talqyǵa tústi.
Sondaı-aq, jıyn barysynda Memlekettik qyzmet isteri jáne sybaılas jemqorlyqqa qarsy is-qımyl agenttigi uıytqy bolǵan «Abyroıly ustaz» jobasynyń tusaýy kesildi. Atalǵan joba sheńberinde adaldyqtyń úlgisi sanalǵan ustazdar baǵaly syılyqtarǵa ıe bolady.
«Egemen-aqparat»
