Jańa…

...obelısk  ornatyldy Qostanaı qalasyndaǵy ma­man­dandyrylǵan №2 órt són­di­rý bólimshesinde qyzyl jalyn­dy aýyzdyqtaý kezinde qaza tap­qan úsh órt sóndirýshiniń rý­hy­na arnalǵan obelısk ashyldy. Onyń ashylýyna Tótenshe jaǵ­daı­lar mınıstriniń orynba­sa­ry, general-maıor Valerıı Petrov kelip qatysty. Bıiktigi 2 metr, eni 60 santımetr qara granıttiń betine «Qyz­mettik mindetterin oryn­daý barysynda qaza bolǵan órt sóndirýshilerge arnalady» dep jazylǵan. 2001 jyly 9 naýryz­da Qostanaı qalasyndaǵy tur­ǵyn úıden shyqqan órtti són­di­rý ústinde kishi serjant Talǵat Jantasov, 2005 jylǵy 17 jel­toqsanda Qostanaı aýdanynyń Oktıabr aýylyndaǵy aǵash óń­deý sehynda bolǵan órtte kishi serjanttar Sábıt Nurbaev pen Rınat Ashýbaev mert bolǵan edi. Obelıskiniń ashylýyna olar­dyń týǵan-týystary, qyzmet­tes­teri, joldastary da qatysty. Názıra JÁRIMBETOVA, Qostanaı.   ...til baıytýdyń qorytyndysy shyqty El Táýelsizdiginiń mereıli merekesi qarsańynda Qyzylor­da oblystyq tilderdi damytý bas­qarmasynyń uıymdastyrýy­men «Til – halyq janyn ta­ný­dyń kilti» atty oblystyq baı­qaý ót­ki­zildi. Aıta keterligi, baı­qaý ózge ult ókilderiniń ara­synda ótti. Qazaq tilinen saıysqa tús­ken jastardyń arasynan sýy­ry­lyp shyqqan Kırıll Denısov birinshi oryndy jeńip aldy. Tereńózek kentiniń túlegi qazaq tilin óziniń týǵan tilinen kem bilmeıdi eken. Al ekinshi oryn Syrdarııa aýda­ny­nyń turǵyny Krıstına Polıa­kovanyń enshisine buıyrdy. Úshin­shi júldeli oryndy qyzyl­or­dalyq Elena Fedotova ıelendi. Saıys sońynda oblystyq tilderdi damytý basqarmasynyń bastyǵy Beksultan Jumabekov baıqaýǵa qatysýshylardy ar­naıy dıplommen, baǵaly syılyqtarmen marapattady. Erjan BAITILES, Qyzylorda.   ...jylý berý  maýsymy bastaldy «Kúz jetti me, batyr-aý, nege tońdym?..» degendeı, ońtús­tik­tiń túni kádimgideı salqyndaı bas­ta­dy. Osyǵan baılanysty Ta­raz qa­lasynyń ákimi Bekbolat Oryn­be­kovtiń sheshimimen keshe, ıaǵnı 18 maýsym kúni oblys or­ta­lyǵyn­da­ǵy kóp qabatty tur­ǵyn úılerge jylý berý maý­sy­my bastaldy. Ol úshin «Tarazqýator­ta­ly­ǵy», «Taraztransqýat», «Jam­byl jylý», «Temir jol jylý», Batýrov atyndaǵy GRES, «Qant» AQ jáne «Sofııa» JShS basshylary jylýmen qam­tamasyz etý júıe­lerin qysqy jumys jaǵdaıyna aýystyryp, turǵyn úılerdi jy­lý­men turaqty túrde qamtamasyz etýge tapsyrma aldy. Qys aı­la­ryn­daǵy jylý berý jumys­tary­nyń durys uıymdastyrylýyn qadaǵalap otyrý qala ákimdiginiń jumyspen qamtý jáne áleýmettik baǵdarlamalar bólimine, aýmaq­tyq okrýgterdiń bas ınspek­tor­la­ry­na tapsyryldy. Kósemáli SÁTTIBAIULY, Taraz.