О́ńiraralyq yntymaqtastyq forýmyna Qazaqstan men Qytaı basshylary Nursultan Nazarbaev pen Sı Szınpın bastamashylyq jasaǵan bolatyn.
Forýmǵa Qazaqstan tarapynan óńirler basshylary: Shyǵys Qazaqstan oblysynyń ákimi Danıal Ahmetov, Qostanaı oblysynyń ákimi Arhımed Muhambetov, oblystar ákimderiniń orynbasarlary, mınıstrlikter men ulttyq kompanııalardyń, bıznes-qaýymdastyqtardyń ókilderi qatysýda. Qytaı tarapynan provınsııalar basshylary, memlekettik organdar men iri kompanııalardyń jetekshileri qatysyp jatyr.
– Bizdiń memleketterimiz basshylarynyń bastamashylyǵymen uıymdastyrylǵan forým elderimiz arasyndaǵy dostyqty, tatý kórshilestik pen strategııalyq áriptestikti nyǵaıtýǵa sony serpin beretin bolady, – dedi A.Mamın jáne forýmnyń ekijaqty únqatysýdyń tartymdy alańy jáne Qazaqstan men Qytaıdyń óńiraralyq yntymaqtastyǵynyń kókeıkesti máseleleri boıynsha tıimdi konsýltasııalar almasýǵa múmkindik beretin bastama retinde tıimdilik ákeletinin atap ótti.
Qazaqstan Respýblıkasy Premer-Mınıstriniń birinshi orynbasary «Nurly jol» baǵdarlamasymen astarlasqan «Bir beldeý – bir jol» jobasynyń aıasynda forým ótkizýdiń mańyzdylyǵyna da basa nazar aýdardy.
– Memleket basshysy Nursultan Nazarbaevtyń bastamasy «Jibek jolynyń ekonomıkalyq beldeýi» jobasy men «Nurly jol» baǵdarlamasy sheńberinde ınvestısııalar tartýǵa jáne eki eldiń ınfraqurylymdyq jobalar boıynsha is-qımyldaryn úılestirýge múmkindik berdi, – dep atap óte kelip, A.Mamın eki el ekonomıkasynyń básekege qabilettiligin arttyratyn jobalardyń tabysty júzege asyrylyp kele jatqanyn kóldeneń tartty.
A.Mamın forýmnyń eki eldiń ekonomıkalyq ósiminiń, saý-da, ınvestısııalyq, kóliktik-tranzıttik yntymaqtastyqty damytýdyń irgetasy retindegi mańyzyna toqtalyp, 2015 jyldyń jeltoqsan aıynda qol qoıylǵan Shekaralyq yntymaqtastyq baǵdarlamasyn Qazaqstan men Qytaıdyń shekaralyq óńirleriniń arasyndaǵy yntymaqtastyǵynyń aıtarlyqtaı mańyzy bar qujatynyń biri retinde atady.
– Qazaqstannyń barlyq 16 óńiri iskerlik baılanystarǵa ıe jáne Qytaıdyń túrli provınsııalaryndaǵy kompanııalarmen birlesken jobalardy júzege asyrý ústinde, – dep atap ótti A.Mamın.
Qazaqstan Respýblıkasy Premer-Mınıstriniń birinshi orynbasary «Qytaı-ASEAN» EKSPO-synyń 14-shi jumysyna qatysyp, Qazaqstannyń ulttyq pavılonyn ashty. Qazaqstan pavılony otandyq óndirisshilerdiń túrli ónim túrleri qoıylǵan 20 stend arqyly usynylyp otyr.
– Qazaqstannyń «Qytaı-ASEAN» EKSPO-synyń 14-shi jumysyna qatysýy «Nurly jol» jáne «Jibek jolynyń ekonomıkalyq beldeýiniń» ári qaraı túıisýine, Qazaqstannyń, Qytaı men Ońtústik-Shyǵys Azııa memleketteri qaýymdastyǵyna múshe elderdiń damý baǵdarlamalaryna qosymsha serpin beretin bolady, – dep atap ótti A.Mamın.
QHR-ǵa sapary sheńberinde Qazaqstan Respýblıkasy Premer-Mınıstriniń birinshi orynbasary Qytaıdyń China National Chemical Engineering Co.Ltd, China General Technology Holding Ltd, CITIC Group, Xin Xin Corporation, China Railways Engineering Group Co, TBEA Heng Yang Transformer Co sııaqty asa iri kompanııalarynyń basshylarymen kezdesýler ótkizdi.
* * *
О́ńiraralyq yntymaqtastyq forýmy sheńberinde Qazaqstannyń «Batys Marka Lamb» et óńdeý kompanııasynyń tóraǵasy Raqymjan Esmaǵambetov pen Qytaıdyń Zheng & Agrotechnology Co. Ltd kompanııasynyń tóraǵasy Lı Sıanmın 30 myń bas qoıdy semirtip soıýǵa jáne qoı etin QHR-ǵa eksporttaýǵa arnalǵan zamanaýı bordaqylaý alańyn qurý týraly memorandýmǵa qol qoıdy. Shetel ınvestısııasynyń kólemi 47 mln AQSh dollaryn quraıdy. Joba 2018 jyly júzege asyrylmaq. Qýaty aýysymyna 1,5 myń bas qoı soıýǵa jetetin «Batys Marka Lamb» et kombınaty qazirdiń ózinde Iranǵa qoı etin eksporttaı bastady.
Sondaı-aq «Kazakh Invest» UK» AQ basqarmasynyń tóraǵasy Maqsat Qabashev pen «Silver Tiger Capital» kompanııasynyń basshysy Sýı Lýnfeı kapıtaldandyrylýy 250 mln AQSh dollary bolatyn birlesken ınvestısııalyq qor qurý týraly kelisimge qol qoıdy.
«Aitey Group» holdıngi basqarmasynyń tóraǵasy Seıitjan Esimov pen Stone Stock kompanııasy basqarmasynyń tóraǵasy Hý Szınpeı Strategııalyq áriptestik týraly kelisimge qol qoıdy.
