Jankúıerlerdiń sporttyq jarystardy tamashalaýyna barlyq jaǵdaı jasalyp, jańa qurylǵylar ornatylǵan, jasandy tóskenish salynǵan fýtbol alańshasyna aýdandyq bıýdjetten 11 mln teńge jumsalypty. Sport alańynyń ashylý saltanatynda Sozaq aýdanynyń ákimi Salyhan Polatov: «Elbasy N. Á. Nazarbaev Qazaqstan halqyna arnaǵan Joldaýynda, aýdan, qala ákimderine halyqtyń dene shynyqtyrýmen jáne sportpen jappaı aınalysýy úshin sporttyq ınfraqurylymdardyń qoljetimdiligin keńeıtýdi tapsyrǵan bolatyn. Búginde biz osy tapsyrmany oryndaý maqsatynda jumystar jasap kelemiz. Máselen, aýdan boıynsha 236 sport ǵımaraty bar. Onyń ishinde ıppadrom, tennıs alańy, júzý basseınderi turaqty jumys istep keledi. Mine, búgin taǵy bir shaǵyn fýtbol alańyn ashyp, barsha sportsúıer qaýymǵa jaǵdaı jasap otyrmyz», - dedi. Sondaı-aq, aýdandyq máslıhattyń hatshysy Begimbet Baıǵaraev, ardager sportshy, Sozaq aýdanynyń Qurmetti azamaty Amanǵalı Aımurzaev sóz sóılep, jınalǵan qaýymdy quttyqtady.
Saltanatty jıyn sońy aýyl okrýgter arasynda jasaqtalǵan komandalar arasynda fýtboldan jarysqa ulasty. Jyl aıaǵyna deıin Sholaqqorǵan aýylynda demeýshiler esebinen taǵy bir sport alańshasy ashylmaq.
Ǵalymjan ELShIBAI,
«Egemen Qazaqstan»
