BUU Qaýipsizdik Keńesi daýystardyń kópshiligimen Sırııaǵa gýmanıtarlyq járdem berý týraly 2165 Qaýipsizdik Keńesi Rezolıýsııasynyń merzimin 1 jylǵa uzartty. Atalǵan Rezolıýsııanyń Sırııanyń soltústigi men shyǵysyndaǵy 3,5 mıllıon halqyn gýmanıtarlyq kómekpen qamtyp otyrǵandyǵyn eskere otyryp, Qazaqstan atalǵan qujatty daýys berip qoldady.
Qazaqstan Sırııadaǵy gýmanıtarlyq jaǵdaıdyń jaqsarýyna baǵyshtalǵan halyqaralyq qaýymdastyqtyń barlyq is-sharasyn qoldaıdy delingen Qazaqstan delegasııasynyń málimdemesinde.
Sırııaǵa gýmanıtarlyq kómek kórsetýde qolda bar múmkindikter men ádisterdiń, sonyń ishinde 2165 Rezolıýsııany da saqtap qalý mańyzdylyǵy basa aıtyldy. Degenmen, Qazaqstan delegasııasy BUU-nyń Gýmanıtarlyq Basqarmasynan monıtorıng pen ashyqtyq mehanızmderin jaqsartýda barlyq kúsh-jigerin salýdy ótindi.
Sırııa problemasy gýmanıtarlyq kómek berý arqyly ǵana sheshilý múmkin emes ekendigin aıta otyryp, óte aýyr sharttarda bitimgershilik quryp jatqan Jeneva platformasy men Astana prosesin BUU Qaýipsizdik Keńesi músheleri qoldaýyn Qazaqstan delegasııasy olardan ótindi. Qazaqstan tarapy oq atýdy doǵarý rejımin saqtaýdyń mańyzdylyǵyn atap ótti.
