Qazirgi qarqyn qýantady

PARLAMENT "Egemen Qazaqstannyń" arnaýly beti Osynaý tarıhı merzim ishinde elimizdiń qol jetkizgen jetistikteri úshin Qazaqstannyń árbir azamaty maqtanyshpen aıta alatyn jaǵ­daı­ǵa qolymyz jetti. Qazirgi ómirdiń bizdi buryn bastan keshirmegen, oıymyzǵa kirmegen uly ózgeris­terge bastap alyp kele jatqan ekpindi umtylysyn, sonyń kýási retinde kórýge bolady. El ekonomıkasynda batyl da júıeli, jigerli de jedel ózgerister júrgizilip, tyń nátıje joldaryn izdep, alǵa erkin adymdap kele jatqan elimizdiń erendi eńbekte­rinde, árıne, Elbasymyzdyń eńbegi erekshe ekendigin árbir qazaq­stan­dyq tolyq túsinedi.                Bárimizdiń esimizde, Memleket bas­shy­sy elimizdiń uzaq merzimge arnalǵan damýyn óziniń «Qazaq­stan-2030» Strategııalyq baǵdarla­masynda aıqyndap berdi. Sol stra­tegııalyq baǵdarlama búginde oıda­ǵydaı júzege asýda. 2006 jylǵy Elbasy Joldaýynda qoıylǵan bas­ty strategııalyq baǵytymyz – báse­kege qabiletti 50 eldiń qataryna qosylý. Mine, sol kúnimizge, dál Táýelsizdigimizdiń 20 jyldyq tor­qaly toıy qarsańynda qolymyz jetip, taǵy da Qazaqstannyń qan­daı el ekendigin dáleldep, baǵy­tymyzdy naqty kórsete bildik. Dúnıejúzilik ekonomıkalyq ná­tı­jelerdi taldaý barysynda Ha­lyqaralyq qarjy korporasııasy men Búkilálemdik bank jańa jahan­dyq reıtıngin jarııalaǵan kezinde, Qazaq eli birden 12 tuǵyrǵa joǵary kóterilip, 47-orynǵa shyqty. Mine, álemdegi 50 eldiń qataryna qosy­lamyz degen aldymyzdaǵy negizgi maq­sat oryndalyp qana qoımaı, Qazaq­stan «ınvestorlardy qorǵaý» dáre­jesi jaǵynan da búkil álem boıynsha «álemdik ondyqqa» kirip otyr. Sonymen birge, elimiz salyq salý júıesinde de úzdik dep taby­lyp, eń ozyq 13 eldiń qatarynan kórindi. Qol jetken qýanyshty kórset­kish, árıne, qaltaly kásipkerler men iri kásiporyndar, qaı elge qar­jylyq salym salý týraly tańda­ǵanda, sóz joq reıtıngi joǵary memleketterge aıaǵyn tireıtini belgili, sol senimdi memleketke iri ınvestısııa salýǵa nıetin bildiredi. Aldyn ala bárin boljap, eseptep qoıǵan Elbasymyz memleketimizdiń ekonomıkasyna jyl saıyn 10 mlrd. dollardan kem emes sheteldik ınvestısııa salýdy Úkimet aldynda mindetteýi, keleshekte elimiz budan da bıik satyǵa kóterilýine jasa­ly­nyp jatqan kóregendik dep túsinýge tolyq negiz bar. Búgingi tańda elimiz TMD-nyń keıbir elderin artqa qaldyryp, kósh bastap daralana bastaǵan mezgili. Endigi alda turǵan uly maqsat – ındýstrııalyq-ınnovasııalyq ja­ǵynan qýatty damyǵan elderdiń qataryna qosylý mindeti. Elimiz bul belesti de buıyrtsa, baǵyn­dyratynyna tolyq senim bar. Qurmanǵalı ÝÁLI, Májilis depýtaty, Qarjy jáne bıýdjet komıtetiniń múshesi.