Halyqaralyq Reuters agenttigi referendýmnyń 15 naýryzda ótetinin habarlap, usynylyp otyrǵan ózgerister eldegi parlamenttik júıeni ońtaılandyrýǵa baǵyttalǵanyn atap ótti. Agenttik materıalynda konstıtýsııalyq túzetýler bılik ınstıtýttarynyń qurylymyn qaıta qaraýǵa jáne saıası júıeniń tıimdiligin arttyrýǵa negiz bolatyny kórsetilgen.
Al Euronews arnasy jańa Konstıtýsııa qabyldanǵan jaǵdaıda onyń 1 shildeden bastap kúshine enetinin jazdy. Teleradıoarna óz materıalynda referendýmdy Qazaqstandaǵy saıası jańǵyrý úderisiniń mańyzdy kezeńi retinde sıpattaǵan.
Referendým–2026. Onlaın-marafon
О́ńirlik sarapshylar da bul bastamaǵa nazar aýdaryp otyr. Qyrǵyzstandyq zańger Tattýý Ergeshbaeva konstıtýsııalyq komıssııa jańa jobany ázirleý barysynda qoǵam tarapynan túsken usynystardy eskergenin atap ótti. Onyń aıtýynsha, qujattyń referendýmǵa shyǵarylýy azamattardyń pikirin sheshim qabyldaý úderisine tikeleı tartýǵa baǵyttalǵan.
Osylaısha, elimizdegi konstıtýsııalyq reforma tek ishki saıası oqıǵa ǵana emes, halyqaralyq qaýymdastyq tarapynan da nazar aýdarylǵan mańyzdy úderis retinde baǵalanyp otyr.
