Eldiktiń eren eskertkishi

Keshe Almatyda «Qazaqstan» atty monýmentti-músindik kompozısııa ashyldy Qazaqstan Respýblıkasynyń Tuńǵysh Prezıdenti atyn­da­ǵy saıabaqta «eki qanatyn» kergen eskertkish qola men granıtten jáne mármár tastan jasalǵan. Kompozısııa ortasynda Qa­zaqstan Respýblıkasynyń Tuńǵysh Prezıdentiniń eńseli mú­si­ni bar. Qos qanatta Astana men Almaty beınelengen. Qarasha bolsa da jaı­ma­shýaq­tanǵan kúnde eskertkishtiń ashy­l­ýy­na el zııalylarynan bastap myń­ǵa tarta almatylyqtar qa­tys­ty. El­digimiz úshin este qa­la­r­lyq sal­ta­natty oqıǵa barysynda qala ákimi Ahmetjan Esimov sóz alyp, ege­men eldiń az ǵana ýa­qyt­ta qol jet­kizgen súbeli tabys­taryn atap shyqty. Joba avtorlarynyń biri, Qa­zaqstannyń Qala qury­lysshy­la­ry odaǵynyń prezıdenti Lıýbov Nysanbaeva egemen eldiń dál bú­gingideı eńsesin tikteýge Elba­synyń sińirgen eńbegi orasan zor ekenin, qıyn kezeńderdi birge ótkergen Memleket basshysyn óz zamandastary baǵalap, óz kezeńi baǵalaýy kerektigin tilge tıek etti. Osy arada «QR Tuńǵysh Prezıdenti týraly» Konstıtýsııalyq zańnyń 9-babyna sáıkes, ústi­mizdegi jyly qala qurylysy, arhıtektorlar, dızaınerler men sýretshiler odaqtary «Qazaqstan» atty monýmentti-músindik kompozısııa ornatý týraly bastama kó­ter­genin eske sala ketelik. Osy­laı­sha aýyzbirlik tanytqan shy­ǵar­mashylyq odaqtar az ǵana ýa­qyt ishinde óz qarajatyna tamasha eskertkishti ornatyp úlgeripti. Qasıetti jumaǵa sáıkes kelgen saltanatta Parlament Sena­tynyń Halyq­ara­lyq qatynastar, qorǵanys jáne qaýip­sizdik ko­mı­tetiniń tóraǵasy Qýa­nysh Sul­tanov halyq oıyndaǵy sózdi tómendegideı tarqatty: – Tarıhtyń talaı tápsirin ba­sy­nan ótkizgen Almaty óziniń shynaıy ulttyq nyshanyn, bol­mysyn, rýhanı maz­mu­nyn, keskin-kelbetin elimiz táýelsiz mem­leket dárejesindegi 20 jylda aı­ryq­sha sezine bastady. Almaty­nyń kó­shelerine, saıabaqtaryna, alańdaryna qazaq halqynyń ar­daqty tulǵalarynyń – memleket, qoǵam, óner, ǵylym, má­denıet qaıratkerleriniń esimderi berilýi, olarǵa eskertkish ornatylýy, qazaq tiliniń jańǵyrýy – urpaqtyń ulttyq sanasyn oıatyp, elimizdiń tarıhyn ta­ny­týǵa mol yqpal etýde. Almaty – eń qasıetti qundy­lyǵymyz – Táýel­siz­di­gimizdi jarııalap, ulttyń azattyq týyn kótergen Táýelsizdigimizdiń altyn besigi. Almaty – ulttyq rýh, ha­lyqtyq birligimizdi tutastyryp, eńsemizdi kóterip, órkenıet jo­ryǵyn bastaǵan Táýelsiz mem­lekettiń Tuńǵysh Prezıdentin saılaǵan Asyl Orda. Osy Almatyda bizdiń Pre­zı­denttiń bastamasymen Táýelsiz Memleketter Dostastyǵy, Azııa­daǵy ózara senim sharalary jó­nin­degi keńes, taǵy basqa ha­lyqaralyq uıymdar quryldy. Tuńǵysh Prezıdent, Elbasy­nyń tý­ǵan eliniń dúnıejúzilik qoǵam­das­tyq­ta eńsesi bıik el bolyp tanylýyna kúsh salyp, álemniń nazaryn qazaqqa aýda­ryp, isin kórsetip, sózin tyń­da­typ, aqy­lyn moıyndatyp, jańa dáýir tu­synda halqymyzdyń tur­mys, áleýe­tiniń ósip-órkendeýi úshin eń mańyzdy sheshimder qabyldap, ony júzege asyryp, kó­rkeıgenin kórgen jer. Almaty – Nursultan Nazar­baev­tyń «ǵasyr jobasy» degen mártebege ıe bol­ǵan Qazaq­stan­nyń ortalyq óńiriniń tósine Táý­elsiz memleketimizdiń jańa as­ta­nasyn salý ıdeıasyn tolǵatyp, ja­ryqqa shy­ǵa­ryp, halyqqa ja­ratqan jasampaz qala. Nursultan Ábishuly Nazarbaev jańa dáýirdegi Jańa Qazaqstan mem­le­ketiniń negizin qalyptasty­ryp, irge­ta­syn qa­lap, qabyrǵasyn turǵyzyp, sha­ńy­raǵyn kóterip, she­karasyn bekitti. Qazaqty álem­ge tanytty, moıyndatty. Elimizde kóp ulttyń, kóp dinniń basyn biriktirip, tatýlyq ornatyp, qo­ǵam­dyq kelisimge keltirip, táýelsiz memleket múddesine ju­myldyra bildi. Sa­lıqaly syrtqy saıasaty, salmaqty bastamashyl qaǵı­dat­tary arqyly dúnıejúzilik qo­ǵam­das­tyq­ta Qa­zaqstannyń bedelin meı­linshe      bıikke kóterdi. Álemniń eń bedeldi jo­ǵary dárejedegi kezdesý, jıyn­da­ryn­da bizdiń Elbasynyń sózi tyń oıy­men, oryndy usynystarymen erekshelenedi. Almaty qalasynda ashylǵan ský­lp­týralyq kompozısııa – Táýelsiz memle­ke­timizdiń sımvoly, Nursultan Ábish­ulynyń memleket, ult aldyndaǵy qy­rýar eńbegine, memlekettik qaıratker­ligine berilgen ádil baǵa, tarıhı tanym dep qabyldaǵanymyz oryndy. Eńseli eskertkish el Táýelsizdiginiń 20 jyldyǵyna arnalyp otyr. Talaı zamandar óter, búgingi kúnder de tarıh qoınaýyna keter, al «Qazaqstan» kom­po­zısııasy, senator atap kórsetkendeı, táýelsiz Qazaq memleketin quryp, onyń irgesin nyǵaıtqan Elbasynyń eńbegin keler urpaqqa jetkizer eldiktiń eren eskertkishi bolyp qala bermek. Aınash ESALI. Almaty.