Yntymaqtastyqqa yntalylyq

 Keshe Memlekettik hatshy Qanat Saýdabaev EQYU-nyń Az ulttar jónindegi joǵarǵy komıssary Knýt Vollebekpen kezdesti. Kezdesý barysynda taraptar etnosaralyq qatynastar men az ulttar quqyǵyn qorǵaýdy úı­les­tirý salasyndaǵy Qazaqstannyń EQYU-men yntymaqtastyǵyn odan ári nyǵaıtý máselesin áń­gi­me ózegine aınaldyrdy. EQYU-nyń Az ulttar isi jó­nindegi joǵarǵy komıssarynyń qoǵamdy toptastyrý baǵy­tyn­da­ǵy ustanymdary mynaǵan saıady. Máselen, Joǵarǵy komıssar usy­nysy negizinde Qazaqstanda soń­ǵy jyldary qoǵamdy odan ári toptastyrýǵa, etnosaralyq jáne konfessııaaralyq kelisimdi ny­ǵaı­týǵa, memlekettik organdar­dyń etnomádenı birlestiktermen ózara is-qımylynyń tıimdi júı­esin qurýǵa, az ulttar tilderinde bilim júıesin jetildirýge baǵyt­tal­ǵan birqatar jobalar iske asy­rylǵan. Kezdesý kezinde osy máseleler sóz boldy. Sondaı-aq, Qanat Saýdabaev pen Knýt Vollebek Qazaq­stan­nyń 2010 jyly EQYU-ǵa jemisti tóraǵalyǵy, Prezıdent Nur­sul­tan Nazarbaevtyń kóshbas­shy­lyǵy negizinde Astanada tózim­di­lik pen kemsitpeýshilik jónindegi EQYU-nyń joǵary deńgeıdegi konfe­ren­sııasy jáne EQYU-nyń jańa myń­jyl­dyqtaǵy alǵashqy Sammıti syndy mańyzdy tarıhı oqıǵalardyń ótken­digine jan-jaqty toqtalyp ótti. «Biz ben sizdi ózara tyǵyz árip­testik baılanys jibi baıla­nys­tyrady. Sóz oraıy kelgende men bizdiń EQYU-ǵa tóraǵa­ly­ǵy­myz kezinde qoldaý kórset­ken­de­rińiz úshin alǵysymyzdy bildiremiz. Birlesken kúsh-jigerimizdiń arqa­syn­da biraz jumystyń basy qaıy­ryl­dy. Solardyń eń ma­ńyz­dysy – ol et­nos­aralyq jáne kon­fessııaaralyq kelisim, az ulttar quqyǵyn qorǵaý», – dedi Qanat Saýdabaev. Sondaı-aq, Memlekettik hat­­shy Elbasynyń kósh­bas­shy­ly­ǵy­men Qazaqstannyń dúnıe jú­zindegi jetekshi uıymǵa jemisti tóraǵalyq etkenine, al bul óz kezeginde elimizdiń etnos­aralyq qa­rym-qatynas salasyndaǵy tá­ji­­rı­besin jetildirýge sep bol­ǵa­ny­na toq­­tal­dy. «Qoǵamdy toptas­ty­rýdy negizge alǵan usynys­ta­ry­ńyz óz deń­geıin­de jú­zege asy­rylyp keledi. Sizdiń As­tanaǵa jasaǵan saparyńyz da ynty­maq­tastyq tetigin odan ári nyǵaıta túsedi degen senimdemiz», – dedi ol óz sózinde. «Biz EQYU-ǵa tóraǵalyq etýi kezinde Qazaqstanmen tyǵyz baı­lanysta jumys atqaryp, eki­jaq­ty, óńirlik jáne uıym aıasyn­da­ǵy máselelerdi talqyǵa saldyq. Qazaqstan Ortalyq Azııada óziniń ornyn aıqyndap úlgergen el. Biz sizderdiń elderińizben ıntegra­sııa­lyq salada baılanys ornatyp kelemiz. Qa­zaq­stan halqy Assam­bleıa­symen de ty­ǵyz áriptestik­te­miz. Bul yntymaq­tas­tyq bola­shaq­ta da óz jalǵasyn tabaty­ny­na senim bildirgim keledi», – dedi Knýt Vollebek jýrnalısterge ber­gen suhbatynda. Láıla EDILQYZY.