Atalmysh saıysta oblystyq dene shynyqtyrý jáne sport basqarmasynyń «ShQO qysqy sport túrleri boıynsha joǵary sport sheberligi mektebi» KMM sportshysy Alekseı Poltoranın joǵary nátıje kórsetti. 15 shaqyrym qashyqtyqty 35.30.01 ýaqytpen baǵyndyrǵan shańǵyshy «Týr de Skı» kezeńiniń kúmis medalin jeńip aldy.
Jarys jolyna uzyn sany 75 shańǵyshy shyqty. Júlde úshin talasta shyǵysqazaqstandyqqa tájirıbeli shveısarııalyq, norvegııalyq sportshylar qarsylyq tanytty. Nátıjesinde nebári 0.6 sekýnd basymdyqpen, ıaǵnı 35.29.5 ýaqytpen shveısarııalyq Darıo Kolonııa jeńimpaz atandy. Al norvegııalyq Martın Sýndbıý úzdik úshtikti túıindedi.
Aıta ketý kerek, Alekseı Poltoranın buǵan deıin Italııanyń Toblah qalasynda ótken álem Kýbogi kezeńinde osy qashyqtyqta qola medal enshilegen bolatyn.
Azamat QASYM,
«Egemen Qazaqstan»
Shyǵys Qazaqstan oblysy
