Aımaq basshysy Danıal Ahmetov «Shyǵys Qazaqstan oblysynyń Qurmetti azamaty» ataǵyn Semeı qalalyq ardagerler keńesiniń tóraǵasy Amantaı Doǵalaqovqa, Zyrıan aýdanyndaǵy «Sredıgornenskıı» JShS-niń dırektory Petr Dıaglevke, ekologııalyq qaýipsizdik ortalyǵynyń mamany Iýrıı Kýdınovke jáne medısına ǵylymdarynyń doktory, professor Tólebaı Rahypbekovke saltanatty túrde tabys etti.
Al «Jomart júrek» baıqaýynyń jeńimpazdary «Rýhanı jańǵyrý» baǵdarlamasy aıasynda 10 atalym boıynsha marapattaldy. Úıi órtengen otbasyǵa qarjylaı qoldaý kórsetip, óz qarajatyna kópirler men aryqtardy jóndep bergen Úrjar aýdanyndaǵy «Nekrasovka jáne K» sharýa qojalyǵynyń basshysy Baqytbek Musabaev «Júrekten-júrekke», «Mektepke jol» aksııasy sheńberinde balalarǵa 1 mıllıon 754 myń teńgeniń járdemin jasaǵan rıdderlik jeke kásipker Galına Gılderman «Jyldyń qaıyrym jasaýshysy» atalymyna ıe boldy.
2016 jyly aýdandyq jáne qalalyq aýrýhanalarǵa, oblystyq aýrýhanaǵa qural-jabdyq alý úshin 311 mıllıon teńge aýdarǵan, qazirgi kezde respýblıkalyq gematologııalyq ortalyqtyń qurylysyn qarjylandyryp jatqan «Vostoksvetmet» JShS «Densaýlyq saqtaý salasyn damytýǵa qosqan úlesi úshin» atalymymen marapattaldy. Sonymen qatar Parlament Májilisiniń depýtaty Nurtaı Sabılıanov pen «Kamyshınskoe» sharýa qojalyǵynyń jetekshisi Vladımır Akýlov «Týǵan ólkeme – meniń jobam», «Elhon» JShS-niń dırektory, oblystyq máslıhat depýtaty Luqbek Tumashınov «Mádenıet salasyn damytýǵa qosqan úlesi úshin», zaısandyq jeke kásipker Baqytgúl Baımuhanbetova «Bilim salasyna qoldaý kórsetkeni úshin», semeılik «Tandem Treıd Kompanı» JShS-niń dırektory Arman Máshimov «Sportty damytýǵa qosqan úlesi úshin», «Baqyrshyq taý-ken ıgerý kásiporny» JShS «Jyldyń áleýmettik jaýapty uıymy» atalymdaryn enshiledi.
Azamat QASYM,
«Egemen Qazaqstan»
О́SKEMEN
