Maman kereksiz bolǵan ba?..

«Egemen Qazaqstan» gazetiniń 2011 jylǵy 27 qazandaǵy «Qarnym­nyń ashqany emes, qadirimniń qash­­­­qany qınaıdy» atty maqala meniń qolyma qalam aldyrdy.

Maqala avtory bizdiń Shet aýdany ákimi qyzmetin naryqqa ótpeli kezeńniń eń qıyn ýaqytynda, 1997-2005 jyldarda atqarǵan. Kákimjan Sarhanov aýdandy elektr ener­gııasymen qamtamasyz etý jaǵdaıy tyǵy­ryqqa tirelgen kezde ony tyǵy­ryq­tan shy­ǵa­rý máselesinde kóp jumys at­qardy. Ká­sipkerlik jumysqa endi kirisken meni sha­qy­ryp, osy máseleni sheshý jó­nin­degi óz oıyn aıtyp, maǵan elektr ener­gı­ıa­symen qamta­ma­syz etetin jańa quryl­maq­shy kásiporyn­ǵa basshylyq etýdi usyndy (joǵary bilimdimin, kezinde aýdandyq agropromtehnıka kásiporynyn basqarǵan­myn). Búginde tolyq maqsatyna saı tuty­nýshylarǵa qyzmet etip otyrǵan qury­lymnyń qyzmetin qalyptas­tyrý kezeńinde aýdan ákimi túrli qıyn­dyq­tardy sheshýge menimen birdeı aralasatyn desem artyq aıtqandyq emes. Kákimjan Ahmedjanulynyń qyzmet­tegi ereksheligi qarapaıymdylyǵy, saýat­ty­­ly­ǵy, iskerligi dep aıtar edim. Jalǵyz men ǵana emes, aýdan halqy da búginge deıin bul kisiniń aýdanǵa basshylyq jasaǵan­da­ǵy azamattyq, ádildik, taǵy basqa qa­sıet­te­rin aıtyp otyrady, ásirese, keıinde aý­dan­ǵa basshylyqqa kelgen azamattardyń qyz­­metterimen salystyryp jıi eske ala­dy. Osyǵan oraı, meni tańǵaldyrǵany os­yn­­daı egemen elimizdiń qalyptasý kezeńin­de (ol kezde búgingideı ákimdik qyzmetke um­­tylys bolǵan joq) memlekettik basqa­rýda qajymaı eńbek etken azamattardyń búgin­de elimizge kereksiz bolýy jáne joǵary laýazymdy sheneýnikterdiń ótinish bildirýshi azamattarǵa jaýapsyz, salǵyrt qaraýy bolyp otyr. Aınalyp kelgende bul memlekettik bılikke bedel áperetin jaǵdaı emes. Qurmanǵazy ÁMIROV, «Shet-Energo» JShS dırektory, kásipker. Qaraǵandy oblysy, Shet aýdany.