Partııa músheleriniń bastamasy

Qoǵamnyń basty baılyǵy adam ómirin saqtaý mańyzdy máseleler qatarynda ekendigi anyq. О́mirde kezdeısoq oqıǵalar kezdesip, ómirdiń qyl ústinde qalatyn kezi de bolady. Sol sátte donor qany adam ómiriniń nárine aınalatyny aqıqat shyndyq. Osy izgi maqsatty kózdegen Qazaqstan Kommýnıstik halyqtyq partııasynyń uıymdastyrýymen Taldyqorǵan qalasynda mańyzdy shara ótti. Oblystyq qan ortalyǵyndaǵy «Donor - 2011» aksııasyna atalǵan partııa músheleri qa­tysyp, tegin qan tapsyrý arqyly halyq­­pen baılanystaryn jaqyndata tústi. Negizinen qan berýshilerdiń basym bóligin zardap shekkenderdiń týǵan-týystary ǵana quraıdy eken. О́ıtkeni, erikti donorlar sany jyldan-jylǵa kemip barady. «Sońǵy bes jylda qan ortalyǵyna aıyna orta eseppen 400-500 adam kelse, buryn olardyń sany 700-den asyp jyǵylatyn», deıdi ortalyq dárigerleri. Demek, osyndaı aksııalardyń qanǵa zárý adamdar úshin mańyzy zor. Qazaqstan Kommýnıstik halyqtyq partııasy ıgilikti shara ótkizý arqyly ózgelerge úlgi bolǵanyn aıtqan jón. Partııanyń oblystaǵy fılıalynyń hat­shy­sy Roza Abdrahmanova qanǵa zárý, densaý­l­yǵy syr bergen adamdarǵa kómekke kelýge jasaǵan umtylystarynyń nátıjesi osylaı jalǵasqanyn aıtady. Sonymen qatar, jas urpaqty izgilik pen adamgershilikke, ózgege qamqor qolyn sozýǵa baýlý. Sharany bıyl alǵash ret qolǵa alsaq, jyl saıyn ótkizýdi oılastyrýdamyz, deıdi ol. Jalpy, qan ótkizý árbir azamattyń aza­mat­tyq boryshy bolýy tıis. О́zim tórtinshi márte qan ótkizip otyrmyn. Munyń qorqyp, úreılenetin jaǵymsyz jaǵy joq. Adam úshin qannyń jańarǵany paıdaly ekeni aıtylady medısınada. Mundaı is-sharalardy ótkizýden tys qalmaımyz, deıdi jas partııa múshesi Danııar Tarıhov. Kúmisjan BAIJAN, Almaty oblysy.