Táýelsizdikti qalyptastyrǵan tulǵa

Abaı atyndaǵy Qazaq ulttyq pedagogı­kalyq ýnıversıtetinde el táýelsizdiginiń jıyrma jyl­dy­ǵyna arnalǵan «Táýelsiz Qa­zaq­san Respýblıkasynyń negizin qalaýshy – Prezıdent N.Á. Na­zar­baev» atty tarıhı tanymdyq is-shara ótti. Stýdentter men pro­fes­sor-oqy­tý­shylar aldynda kór­nekti memleket jáne qoǵam qaı­ratkeri, Prezıdenttik mádenıet ortalyǵynyń dırek­tory, fılologııa ǵylymdarynyń doktory, professor Myrzataı Jol­dasbekov dáris oqyp, Prezı­dent­tiń óne­geli isteri jaıly kór­gen-bilgen­derimen bólisti. Elbasy ómirinen syr shertetin derekti fılm kórsetilgen soń baıandamashy Táýel­sizdik taǵdy­ryn, ıgi istiń basy-qasynda jú­rip, eline egemendik alyp bergen Memleket basshysy isterin egjeı-tegjeıli túsindirdi. – Qazir, qudaıǵa shúkir, ata saltymyz, dás­túrimiz, tilimiz qaı­typ keldi, – dedi ol. – Rý­hy­m­yz kóterildi. Sondyqtan, búgingi ur­paq óte baqytty urpaq dep oı­laımyn. Osylar táý­­el­sizdiktiń qa­dirin óte jaqsy bilýi kerek. Táý­el­sizdik taǵylymyn taný – eldegi ár aza­mattyń mindeti. Ási­re­se, egemendiktiń tarı­hyn, el erte­ńin amanattar jastarymyz bilýi shart. Maǵynaly keshte Myrzataı Jol­das­bekov­tiń ánderi men kúı­leri shertildi. Jınalǵan kópshilik Prezıdent Nursultan Nazarbaev shyǵarmalary men Elbasyna ar­nal­ǵan eńbek­terdiń kitap kór­me­sin tamashalap, táýelsizdik taǵy­lym­daryna qanyqty. Keshti atal­mysh oqý ornynyń rektory Serik Pirálıev júr­gizip, jastarǵa os­yn­daı taǵylymdy da áserli áń­gime syılaǵan professor Myrza­taı Joldasbekovke jınalǵan jurt­shylyq atynan rızashylyq bildirip, rahmet aıtty. Gúlzeınep SÁDIRQYZY, Almaty.