As atasyn pisirýdiń sheberi

Bul kúnderi jeri kómirge toly óndiristi Ekibastuz óńiri órkendep, ósip keledi. Qalada 137 myńnan asa halyq turady. Bu­ǵan qala­nyń ákimshilik-aýmaqtyq quryly­my­na enetin 30-ǵa jýyq aýyldarmen birge, onda turatyn 9 myń­daı halyqty qosyńyz. Iаǵnı, óndirisi aýqym­dy óńirdiń turǵyn­daryn azyq-túlikpen qam­ta­ma­syz etý qala men aýyldardyń birlesip at­qa­ratyn jaýapty mindetine aınaldy. Son­dyq­tan, óndiristi qalanyń qysy-jazy azyq-túlik beldeýiniń turaqtylyǵyn qam­tama­syz etý mańyzdy. Qalaǵa kelgen sapa­rymyzda biz byl­tyr ashylyp iske qosylǵan «Energııa-Kapı­tal-1» seriktestigine qarasty nan-toqash kom­bı­natynyń búgingi tynysy qandaı eken degen oıda edik. О́ıtkeni, 1 mlrd. 842 myń teńge ınvestısııa tartylǵan bul joba elimizdiń údemeli ındýstrııalyq-ınno­vasııalyq baǵdar­la­ma­sy aıasynda iske asyp, óńirlik ındýs­trııa­landyrý karta­syna engizilgen bolatyn. Al, 600 mıllıon teńgesin “QazAgroQarjy” aksıonerlik qoǵamy nesıe túrinde bólgeni belgili. Aldymen, burynǵy eski nan kombınaty germanııalyq jáne avstrııalyq jańa qural-jab­dyq­tarmen ja­ńar­tylyp, jańa zaman úlgisinde qaıta jańǵyrtyldy. Sapaly ónim – tehnıkaǵa baı­lanysty. Jalpy, keshenniń táýligine 30 tonna nan ónimderin pisirýge qýaty jetedi. Iаǵnı, bul – 24 myń bólke nan men 96 myń dana toqash degen sóz. О́ndiristik tehnologııasy túgeldeı kompıýter júıesine qo­syl­ǵan, barlyq ju­mystar opera­tor­lardyń baqylaýymen iske asýda. Qa­byldanatyn unnyń quramy, nan men toqashtar jasalatyn qamyrdyń sapasy túgel­deı zerttelip, arnaıy tekserý zerthana­lary­nan ótki­zi­le­di. Kombınatta turǵyndar tara­pynan joǵary suranysqa ıe birinshi, ekinshi sortty nandar, sonymen qatar, qara bıdaı, kebekten jasalǵan nan ónimderi de shyǵarylady. Al, qala boıyn­sha, mysaly, ataqty «Bogatyr-Kómir» seriktestigi, balabaqshalar osy kombınat pisiretin nan-toqashtardy tutynady eken. Árıne,  jańa kásiporyn úshin rynoktaǵy, ásirese, jergilikti jerdegi básekelesterine de tótep berý ońaı emes kórinedi. Mysaly,  kombınatta pisirilgen  50 teńgelik nannyń  qala dúkenderinde 70 teńgege satylyp júrgeni de kezdesedi. Iаǵnı, arzan ónimiń basqa  bireý­ler­diń  baǵa qosýlary arqyly halyqqa qymbatqa satylatyny da ras. Jańa jobanyń ómirge kelýimen 100-ge jýyq jumys orny ashyldy. Bolashaqta kombınat ónimderin Astana, Qara­ǵandy jaqtarǵa da jet­kizbekshi. Bul kúnderi  nan-toqashtar Shiderti, Maıqaıyń, Baıanaýyl, Ereımentaý óńir­le­rine de jetkizilýde. Bul  – Ekibastuz  kómirge ǵana emes, nan-toqashtarǵa da baı degen sóz. Aıtpaqshy,  osy kombınat shyǵaryp jatqan “Eki­bastuz” dep atalatyn nan, “Juldyz”, “Saryarqa” dep atalatyn toqash-qalashtardy saýda oryndarynan qazir jıi kóresiz. Qala basshylyǵynyń sheshimi boıynsha zeınetkerlerge nan ónimderi arzan baǵamen beriledi. Jańa jobanyń óńir ekonomıkasynyń órkendeýine qosar úlesi de, árıne, mol. Farıda BYQAI, Pavlodar oblysy.