О́ńirlik jumyspen qamtý ortalyǵynyń málimetinshe, ótken jyldyń qańtar-jeltoqsan aılarynda 22 myń jumyssyz adam jumyspen qamtylǵan.
Jumyspen qamtý ortalyqtarynda eńbekkke aralasýǵa ótinish bildirgenderdiń ishinen 5 441 jumyssyz adam aqyly qoǵamdyq jumystarǵa ornalastyrylyp, 2 793 adam qaıta daıarlaýǵa jáne biliktiligin arttyrý kýrstaryna jiberildi. Áleýmettik jumys oryndaryna 716 jumys orny bólinip, jumys berýshilerden alynǵan bos jumys oryndary úshin 14 802 adam qyzmetke ornalastyryldy.
- Atyraý oblysynyń turǵyndaryn jumyspen qamtýdy qoldaýdyń keshendi josparyna sáıkes, 2017 jyldyń 31 jeltoqsanynyń jospary 145% oryndaldy. Jumys oryndarynyń qysqarýyna jol bermeý úshin jumys berýshilerdi jumys oryndarynda saqtaýǵa nemese basqa jobalarǵa aýystyrý úshin jumys berýshiler arasynda túsindirý jumystary júrgizildi. Naqtyraq aıtqanda, oblys ákimdigi jáne 2539 jumys berýshiler men kásipodaqtar arasynda memorandýmdarǵa qol qoıyldy. Nátıjesinde 869 jumys orny saqtaldy, onyń ishinde 1228 adam jumyspen qamtyldy,- deıdi Atyraý oblysynyń jumyspen qamtý ortalyǵynyń mamandary.
Sonymen qatar esepti kezeńde 53 bos jumys oryndary jármeńkesi ótkizilip, nátıjesinde 2 002 adam qyzmetke ornalastyryldy.
Baqytgúl BABASh,
"Egemen Qazaqstan"
