Foto: shutterstock
Ermek Kósherbaev Qazaqstan Germanııamen baılanystardy Eýropalyq odaqtaǵy negizgi strategııalyq seriktestiktiń biri retinde qarastyratynyn atap ótti. Onyń aıtýynsha, Astana ekijaqty formatta da, Eýropalyq odaq pen Ortalyq Azııanyń óńirlik alańdary aıasynda da ekonomıkalyq yqpaldastyqty tereńdetýge múddeli.
«Qazaqstan Germanııamen yntymaqtastyqty damytýǵa aıryqsha mán beredi jáne ony Eýropalyq odaqtaǵy negizgi strategııalyq seriktesteriniń biri retinde qarastyrady. Germanııamen ekijaqty deńgeıde de, Eýropalyq odaq pen Ortalyq Azııanyń óńirlik formattary sheńberinde de ekonomıkalyq yntymaqtastyqty belsendi túrde ilgeriletýge daıynbyz jáne kelisilgen bastamalardy naqty jobalar men nátıjelerge aınaldyrýǵa nıettimiz», dedi mınıstr.
Kezdesý barysynda taraptar Qazaqstannyń áleýmettik-ekonomıkalyq damý kórsetkishterine de toqtaldy. Syrtqy ister mınıstriniń málimetinshe, Halyqaralyq valıýta qorynyń derekteri boıynsha el ekonomıkasynyń kólemi 300 mlrd AQSh dollaryna jetip, Qazaqstan álemniń jetekshi 50 ekonomıkasynyń qataryna engen. Bul jan basyna shaqqanda shamamen 15 myń AQSh dollaryna teń. Sondaı-aq 2000-2025 jyldar aralyǵynda naqty jalpy ishki ónimniń ortasha ósimi 3,6 paıyzdy qurap, Qazaqstan qarqyndy damyp kele jatqan bes eldiń qataryna kirgen.
О́z kezeginde Katarına Raıhe Qazaqstandy Germanııa úshin Ortalyq Azııadaǵy senimdi seriktes dep atap ótti.
«Qazaqstan Germanııa úshin Ortalyq Azııadaǵy senimdi seriktes. Turaqty damý men ınnovasııalar negizinde ekonomıkalyq jáne energetıkalyq yntymaqtastyǵymyzdy odan ári tereńdetýge nıettimiz», dedi ol.
Taraptar energetıkalyq yntymaqtastyqqa erekshe nazar aýdardy. Atap aıtqanda, bizdiń munaıdy Germanııanyń Shvedt qalasyndaǵy munaı óńdeý zaýytyna jetkizý máselesi jáne Qazaqstannan Germanııa men Eýropalyq odaq elderine «jasyl» sýtegi óndirý men eksporttaý perspektıvalary qarastyryldy. Sonymen birge mashına jasaý, hımııa ónerkásibi jáne taý-ken metallýrgııa salalaryndaǵy birlesken jobalar, nemis tehnologııalary men úzdik tájirıbeni transferleý múmkindikteri talqylandy.
Qazaqstan men Germanııa týrızm salasyndaǵy seriktestikti keńeıtedi
Logıstıka salasynda Transkaspıı halyqaralyq kólik baǵytyn damytý, sondaı-aq kólik pen ónerkásiptik prosesterdi sıfrlandyrý baǵytyndaǵy ózara is-qımyldy kúsheıtý qajettigi aıtyldy. Kezdesý qorytyndysynda taraptar strategııalyq seriktestikti odan ári nyǵaıtýǵa daıyn ekenderin rastap, mazmundy dıalogty jalǵastyrýǵa ýaǵdalasty.
Sapar aıasynda Qazaqstan Syrtqy ister mınıstri Deutsche Bahn, Noble Elements, Lanxess, Rhenus Group jáne DIHK ókilderimen de kezdesti. Onda saýda-ekonomıkalyq jáne ınvestısııalyq yntymaqtastyqtyń qazirgi ahýaly, ónerkásip, hımııa, logıstıka, mashına jasaý, densaýlyq saqtaý jáne kásiptik bilim berý salalaryndaǵy áriptestikti keńeıtý joldary talqylandy.
Ermek Kósherbaev Astana men Berlın arasyndaǵy qatynastardyń strategııalyq sıpatyn atap ótip, Qazaqstannyń joǵary tehnologııalyq ınvestısııa tartýǵa, ozyq óndiristik sheshimderdi engizýge jáne german bıznesimen kooperasııany tereńdetýge múddeli ekenin jetkizdi. Nemis kompanııalary óz kezeginde Qazaqstanda júrgizilip jatqan reformalardy joǵary baǵalap, qazaq naryǵyndaǵy qatysýyn arttyrýǵa daıyn ekenderin bildirdi. Kelissózder qorytyndysy boıynsha taraptar syndarly dıalogty jalǵastyryp, naqty birlesken jobalardy iske asyrýǵa nıetti ekenin rastady.
