Májiliske Ońtústik Qazaqstan oblysynyń ákimi J.Túımebaev, oblys prokýrory N.Ábdirov jáne QR UQK OQO boıynsha departamenti basshysynyń birinshi orynbasary B.Qalmyrzaev, quqyq qorǵaý organ basshylary, komıssııa músheleri men oblystyq basqarma basshylary, úkimettik emes uıymdardyń jaýapty tulǵalary qatysty.
Elbasy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynyń ıaǵnı, 8-9 baǵytyndaǵy tıimdi memlekettik basqarý men jemqorlyqpen kúres jáne zańnyń ústemdigine basa nazar aýdarǵanyn aıtqan oblys ákimi turǵyndardan kelip túsken aryz-shaǵymdardy der kezinde qarap, azamattardyń quqyqtaryn qorǵaý isin kúsheıtý qajettigine toqtaldy.
Jıynda sóz alǵan oblys prokýrory óńirde sheshýdi jáne aldyn alýdy qajet etetin ózekti problemalar men áleýmettik shıeleniske sebep bolýy múmkin táýekel oshaqtary naqty sharalardy talap etetinin atap ótti.
«Búginde prokýratýra tarapynan olardyń sebepteri men týyndaý kózderin anyqtap, táýekelderdi joıý men problemalardy sheshý maqsatynda arnaıy jumysshy toptardy óńirdiń aýmaqtaryna jiberý oblys ákimine usynylyp, qoldandy. О́tken jyldyń 4-15 jeltoqsanynda «Qaýipsiz orta qalyptastyrý» is-sharasy aıasynda bekitilgen 6 baǵyt boıynsha qurylǵan alty jumysshy top Saıram aýdany men Túrkistan qalasynda óz jumysyn aıaqtady», - dedi N.Ábdirov.
Aımaq basshysy Saıram aýdany men Túrkistan qalasynda ótken «Jergilikti desant» is-sharasy eldi mekenderdegi halyqtar arasynda oń nátıjeli is-áreket bolǵanyna senim bildirip, osy tektes is-sharalardy Saryaǵash pen Maqtaral aýdandarynda jalǵastyrýdy usyndy.
Josparǵa saı júrgizilgen is-sharalar barysynda halyq arasynda kúndelikti turmystyq máselelerge baılanysty problemalyq suraqtar zerdelenip, olardy sheshýge barlyq jaǵdaılar jasalatyn bolady.
Alty baǵyt boıynsha qurylǵan alty jumysshy top ótken jyly dástúrli emes dinı baǵyttaǵy azamattardyń senimin durys baǵytqa ózgertý, radıkaldyq kózqarastardy joıý baǵytynda jumystar atqardy. Olarmen qoǵamdyq-saıası turaqtylyqqa áser etetin, onyń ishinde túrli qaqtyǵystarǵa sebep bolatyn alǵysharttar zertteldi. Al barlyq anyqtalǵan problemalyq suraqtar boıynsha olardy joıý mehanızmderi ázirlenip, jaýapty mekemelerge oryndaýǵa berildi. Sonymen qatar 700 adamnan áleýmettik saýalnamalar alyndy. Halyqpen kezdesý barysynda turǵyndardyń suranystary qanaǵattandyrylyp, kómekter uıymdastyryldy.
Otyrysta terrorızmge qarsy kúres jumystaryn ári qaraı jandandyrý maqsatynda jasalynǵan oblystyq terrorızmge qarsy komıssııanyń logotıpi bekitildi.
