Shymkent qalalyq koalısııasynyń jetekshisi bolyp Murat Joldyhojaev taǵaıyndaldy. Aldaǵy ýaqytta quramynda 150 adamy bar koalısııa jumys isteıdi. Olardyń qataryna saıası partııa ókilderi, partııalyq jaqtastar, qoǵam qaıratkerleri, zııaly qaýym ókilderi men jastar belsendileri tartylǵan. Úgit-nasıhat kezeńinde koalısııa músheleri bekitilgen jelilik kestege sáıkes onlaın jáne oflaın formatta kezdesýler, pikirtalastar men túsindirý is-sharalaryn ótkizýdi josparlap otyr.
Almatyda Halyqtyq Konstıtýsııany qoldaıtyn qalalyq koalısııanyń alǵashqy otyrysy ótedi
Aıta ketsek, keshe Astana qalasynda Qazaqstan Respýblıkasy Parlamenti Májilisiniń Tóraǵasy, partııa tóraǵasy Erlan Qoshanovtyń qatysýymen elimizdiń jetekshi qoǵamdyq-saıası kúshteri «Ádiletti jáne Progressıvti Qazaqstannyń Halyqtyq Konstıtýsııasy úshin!» atty Jalpyulttyq koalısııaǵa birikti. Koalısııa quramyna bes jetekshi saıası partııa – «AMANAT», «Aýyl», «Aq jol», «Respublica», «Qazaqstan Halyq partııasy» jáne mıllıondaǵan azamattyń múddesin bildiretin 300-den astam qoǵamdyq uıym endi.
Barlyq saıası kúshter qabyldanatyn jańa Ata zań jobasyna biraýyzdan qoldaý bildirip otyr. Usynylǵan ózgerister men tolyqtyrýlar Konstıtýsııanyń barlyq bólimderin qamtyp, 77 bapqa qatysty engizilmek. Bul jalpy mátinniń 84 paıyzyn quraıdy. Jańa redaksııa 11 bólim men 96 baptan turady (buryn 9 bólim, 99 bap bolǵan).
Qalalyq koalısııa jumysy aldaǵy referendým qarsańynda qoǵamdy toptastyryp, árbir azamattyń pikirin eskerýge jáne eldiń bolashaǵyna qatysty mańyzdy sheshimge belsendi qatysýyna baǵyttalmaq.
