DeepBas: Qurǵaqshylyqqa qarsy jańa tehnologııa engiziledi

30 ret

kórsetildi

1 mın

oqý úshin

Sý resýrstary jáne ırrıgasııa mınıstri Nurjan Nurjigitov Qazaqstan Respýblıkasy Prezıdentiniń janyndaǵy Ulttyq ǵylym akademııasynyń prezıdenti Aqylbek Kúrishbaevpen kezdesti. Kezdesýde taraptar sý resýrstaryn basqarýdyń ıntegrasııalanǵan DeepBas júıesin engizý máselesin talqylady, dep habarlaıdy Egemen.kz.

Egemen Qazaqstan

DeepBas: Qurǵaqshylyqqa qarsy jańa tehnologııa engiziledi

Jańa joba sý balansyn boljaý dáldigin arttyrýǵa, resýrstardy bólýdi ońtaılandyrýǵa, qurǵaqshylyq pen sý tasqynyna baılanysty táýekelderdi ýaqtyly anyqtaýǵa jáne aldyn alýǵa baǵyttalǵan. Júıe ártúrli kózderden alynǵan derekterdi biriktirýge jáne basqarýdyń negizdelgen sheshimderin qabyldaýǵa arnalǵan.

Elimizdiń qaı óńirlerinde qurǵaqshylyq qaýpi bar? Mınıstr jaýap berdi

«Aldymyzda turǵan mejeli maqsattarǵa qol jetkizý ozyq halyqaralyq tájirıbeni, úzdik praktıkalar men tehnologııalardy zerdeleýdi qajet etedi. Sondyqtan QR UǴA usynǵan DeepBas júıesin ázirleý bastamasyn qoldaımyz», dedi Sý resýrstary jáne ırrıgasııa mınıstri Nurjan Nurjigitov.

Jıynǵa qatysýshylar jobanyń pılottyq baǵyttaryn jáne ony iske asyrý merzimderin pysyqtap, sondaı-aq DeepBas júıesiniń jumys prınsıpterin talqylady. Budan bólek kezdesýde aqparattyq qaýipsizdik pen jerasty sýyn monıtorıngteý máselelerine de erekshe nazar aýdaryldy.