Esepke sáıkes, qolma-qol aqshasyz tranzaksııalar kólemi 5%-ǵa ósip, 42,4 trln teńgege jetken. Al ótken jyly bul kórsetkish 22,4% bolǵan edi. Qolma-qol aqshasyz tólemderdiń jalpy operasııalardaǵy úlesi 87,9%-dy qurady. Bir jyl buryn bul kórsetkish 87,1% bolǵan.
Sonymen qatar, bankomattar arqyly qolma-qol aqsha sheshý operasııalary 2,2%-ǵa azaıǵan. Bul – sońǵy jyldardaǵy alǵashqy tómendeý ári salystyrmaly, ári absolıýttik kórsetkish boıynsha tirkelip otyr.
Tólem kartalarynyń sany da baıaý ósýde: bıyl ósim 3,9% bolsa, ótken jyly 7,9% bolǵan. Onyń ishinde jergilikti kartalar sany 4,2%-ǵa artyp, 28,2 mln-ǵa jetse, halyqaralyq kartalar 3,8%-ǵa kóbeıip, 56,9 mln bolǵan.
POS jáne QR arqyly tólem jasaý úlesi tıisinshe 10,6% jáne 10,7%-ǵa deıin ósken. Bul oflaın ınfraqurylymnyń damyp jatqanyn kórsetedi. Al qolma-qol aqshasyz operasııalardyń ortasha chegi 13,1 myń teńgege deıin tómendegen.
QQQ mamandarynyń aıtýynsha, qolma-qol aqshasyz tólemder naryǵy damýy jańa kezeńge ótýde. Endi negizgi róldi jańa paıdalanýshylardy tartý emes, servısterdi paıdalaný jıiligi atqarady. Sarapshylar aldaǵy ósim áleýeti sıfrlyq qyzmetter az taralǵan óńirlermen baılanysty ekenin aıtyp otyr.
