2026 jyldyń sáýir aıynyń qorytyndysy boıynsha azyq-túlik ınflıasııasy 0,7%-dy qurady. Jyldyq ınflıasııa baıaýlap, 11,3%-ǵa deıin tómendedi (2025 jyldyń jeltoqsanynda – 13,5%, qańtarda – 12,9%, aqpanda – 12,7%, naýryzda – 11,7%).
Áleýmettik mańyzy bar azyq-túlik taýarlary baǵasynyń ındeksi qatarynan úshinshi apta boıy 0% deńgeıinde saqtalýda. Baǵanyń turaqtanýyna negizgi úlesti Astana jáne Almaty qalalary (ósim – 0%), Shymkent qalasy men Túrkistan oblysy (-0,1%), Almaty oblysy (-0,5%), Aqmola oblysy (-0,9%) sııaqty iri óńirler qosyp otyr.
Baǵanyń eń kóp tómendeýi qyzanaq (-25,6%), qyryqqabat (-18,7%), sondaı-aq kúnbaǵys maıy, balyq, qaraqumyq jarmasy men un boıynsha tirkeldi. Sonymen qatar keıbir kókónis túrleri boıynsha ósim saqtalýda. Mysaly pııaz – 28,6%-ǵa, sábiz – 15,7%-ǵa, kartop – 10,4%-ǵa qymbattady. Jańa pisken ónimder saýdaǵa shyǵarylǵan saıyn baǵa dınamıkasy da turaqtalady dep kútilýde.
Saýda jáne ıntegrasııa birinshi vıse-mınıstri Aıjan Bıjanovanyń aıtýynsha, bıyl ishki naryqty jańa pisken kókónistermen qamtý turaqty ári júıeli túrde júrgizilýde. Bul «Jasyl dáliz» tetigin júzege asyrý jáne ishki naryqty ımporttyq ónimmen tolyqtyrý esebinen qamtamasyz etildi. «KTJ Express» jelisi arqyly kórshi elderden shamamen 20 myń tonna kartop, 10 myń tonna sábiz, 6 myń tonnadan astam pııaz jáne 22 myń tonna qyryqqabat jetkizildi. Bul maýsymdyq aýytqýlardy azaıtyp, jergilikti ónim jappaı piskenge deıin naryqtaǵy usynystyń turaqtylyǵyn qamtamasyz etýge múmkindik berdi.
Aýyl sharýashylyǵy vıse-mınıstri Ermek Kenjehanulynyń málimetinshe, Túrkistan oblysynda erte pisetin qyryqqabatty jınaý jalǵasýda. 22 mamyrdaǵy jaǵdaı boıynsha josparlanǵan 263,6 myń tonnanyń 158,6 myń tonnasy jınalǵan.
Jalpy bıyl 221,1 myń tonna kartop, 58,8 myń tonna pııaz jáne 34,7 myń tonna sábiz jınaý josparlanyp otyr. Negizgi kólemdi Túrkistan oblysy qamtamasyz etedi. Oǵan qosymsha Almaty jáne Jambyl oblystarynan keledi dep kútilýde.
