Foto: Kólik mınıstrligi
Qazirgi tańda nysanda 63 arnaıy tehnıka men 85 maman jumys istep jatyr. Qurylys alańynda jer jumystary júrgizilip, jol tóseminiń negizi daıyndalyp, sý ótkizgish qubyrlar ornatylyp jatyr.
Sonymen qatar qurylys materıaldaryn úzdiksiz jetkizý úshin asfalt-beton zaýyty iske qosyldy. Joba aıasynda qosymsha óndiristik nysandardy ornalastyrý jáne qurylys ınfraqurylymyn damytý jumystary da jalǵasyp jatyr.
Kompanııa mamandarynyń aıtýynsha, joba zamanaýı Design – Build – Maintain modeli boıynsha qolǵa alynǵan. Bul tásil jobalaýdan bastap qurylys jáne keıingi kútim jumystaryna deıingi barlyq kezeńdi qamtıdy. Mundaı júıe jol sapasyn uzaq ýaqyt saqtaýǵa jáne ınfraqurylymnyń senimdiligin arttyrýǵa múmkindik beredi.
Aıta keteıik, maýsym aıynan bastap Qazaqstanda temirjol tarıfi qymbattaýy múmkin.
