Foto: QTJ
Onyń aıtýynsha, Qazaqstandaǵy temirjol tasymaly tarıfteri TMD keńistigindegi eń tómen tarıfterdiń biri bolyp otyr.
«TMD elderi arasynda bizde tarıfter eń tómen deńgeıde. Qazirgi tańda Reseımen salystyrǵanda aıyrmashylyq shamamen 2,5 ese, al О́zbekstanmen salystyrǵanda shamamen 4 ese tómen», dedi ol.
QTJ ókilderiniń aıtýynsha, tarıfti kóterýge kompanııanyń qarjylyq qıyndyqtary sebep bolyp otyr. Búginde «Qazaqstan temir joly» ulttyq kompanııasynyń jalpy qaryzy 4 trıllıon teńgeden asqan. Al ınfraqurylymdyq jobalardy júzege asyrý qosymsha qarjyny talap etedi.
«2025 jyly retteletin tasymaldar boıynsha shyǵyn kólemi 320 mıllıard teńgeni qurady. Negizinde bul 320 mıllıard teńge tranzıt pen tabysy joǵary júkter esebinen sýbsıdııalanyp otyr», dedi kompanııa ókili.
Qazirgi ýaqytta bul másele Tabıǵı monopolııalardy retteý komıtetiniń qaraýynda jatyr. Mamandardyń pikirinshe, eger usynys maquldansa, júk tasymaly baǵasy qymbattap, naryqtaǵy taýar qunyna áser etýi múmkin.
