Foto: Beınejazbadan
Quqyq qorǵaý organdarynyń eskertýlerine qaramastan, jasóspirimder toby qala kóshelerimen kolonna bolyp júrip, jol qozǵalysy erejelerin buzǵan.
Nátıjesinde 21 túlektiń ata-anasy balalardy tárbıeleý mindetterin tıisinshe oryndamaǵany úshin jaýapkershilikke tartylǵan. Bul bap boıynsha jaza 10 AEK kóleminde aıyppuldy (2026 jyly 43 250 teńge) quraıdy.
Sonymen qatar kólik quraldaryn paıdalaný erejelerin buzǵany úshin 5 ákimshilik hattama toltyrylyp (aıyppul – 5 AEK nemese 21 625 teńge), avtokólikter aıyp turaǵyna qoıylǵan.
«Polısııa avtokortejderdiń, ásirese kámeletke tolmaǵandardyń qatysýymen ótetin sharalardyń zańǵa qaıshy ekenin aldyn ala eskertken bolatyn. Soǵan qaramastan keıbir azamattar talaptardy elemedi. Osyndaı árbir derek boıynsha polısııa qatań shara qabyldaıdy. Merekelik kóńil-kúı qoǵamdyq tártipti buzý men qaýipsizdikke qater tóndirýge sebep bolmaýy tıis», delingen departament habarlamasynda.
Eske sala keteıik, buǵan deıin Shymkentte kortej jasaǵan 12 júrgizýshi jazaǵa tartylǵan bolatyn.
