Foto: Ashyq derekkóz
Jańa tártipke sáıkes, buryn paıdalanylǵan nómirlerdi memlekettik organdarǵa, sheteldik dıplomatııalyq ókildikter men konsýldyq mekemelerge, sondaı-aq olardyń qyzmetkerleri men otbasy múshelerine qaıta berý qarastyrylǵan.
Sonymen qatar memlekettik nómirlerdi ata-anasyna, balalaryna, asyrap alýshylar men asyrap alynǵandarǵa, týǵan jáne ógeı baýyrlarǵa, ata-ájelerine, nemerelerine, jubaıyna nemese burynǵy jubaıyna rásimdeýge bolady. Bul quqyq burynǵy ıesiniń muragerlerine de berildi.
Avtokóliktegi mindetti jıyntyq: Júrgizýshiler neni bilýi tıis?
Nómirdi qaıta rásimdeý úshin burynǵy ıesiniń ótinishi jáne týystyqty nemese muragerlik quqyqty rastaıtyn qujattar qajet. Olardyń qatarynda neke kýáligi, týý týraly kýálik jáne muragerlik quqyǵyn rastaıtyn qujattar bar. Sondaı-aq nómirdiń telnusqasyn daıyndaýǵa arnalǵan memlekettik baj salyǵy tólenýge tıis.
Buǵan deıin mundaı múmkindik tek joǵary suranysqa ıe VIP-nómirlerge ǵana beriletin.
Sonymen qatar IIM joǵary suranysqa ıe memlekettik nómirler tizimin keńeıtti. Endi 101, 121, 131, 202, 303, 404, 505, 717, 808, 909 sekildi erekshe sıfrlyq kombınasııalar, sondaı-aq birdeı áriptermen keletin uqsas nómirler resmı túrde suranysy joǵary sanatqa engizildi.
Eske salaıyq, buǵan deıin qysta avtokólikti qyzdyrýǵa qatysty shekteýler qaıta qaralatyny týraly habarlanǵan edi.
