Foto: Astana ákimdigi saıty (arhıv)
Birqatar mektep pen oqýshylar saraıynyń qurylys barysymen tanysqanyn aıtqan Astana ákimi jańa oqý jylynda taǵy 12 oqý orny ashylatynyn málimdedi.
«Máselen, sońǵy jyldary 44 mektep saldyq. Osy sharalar qoldanystaǵy mektepterge túsetin salmaqty edáýir azaıtyp, qosymsha oqýshy oryndaryn ashýǵa múmkindik berdi. Áleýmettik ınfraqurylymǵa qajettilik joǵary aýdandarǵa aıryqsha nazar aýdaryp otyrmyz», dep jazdy Jeńis Qasymbek.
Astana mektepterindegi oryn tapshylyǵy máselesi qalaı sheshilmek?
Ákimniń aıtýynsha, 2027 jylǵa arnalǵan daıyndyq jumysy da júrgizilip jatyr. Jobalyq jáne qala qurylysyna qatysty qujattamalar ázirleý isi qolǵa alynǵan. Bas josparǵa sáıkes, 2035 jylǵa deıin qalada 140-qa jýyq jańa mektep salý kózdelip otyr.
«Sondaı-aq bıyl taǵy eki Oqýshylar saraıy men alty balabaqsha ashý josparlanyp otyr. Oqý jáne bilim berý ortalyqtarynyń qurylysyna jeke ınvestısııalar da jumyldyrylyp jatyr», dedi bas shahardyń ákimi.
Eske salaıyq, bıyl 215 myńnan astam oqýshy mektepti támamdady.
