Foto: Ashyq derekkóz
Málimetterge sáıkes, 2006 jyly týǵan boıjetken joldy belgilenbegen jerden kesip ótpek bolǵan kezde ony «Lada» avtokóligi qaǵyp ketken. Soqqy saldarynan ol oqıǵa ornynda kóz jumdy.
Qaraǵandy oblystyq polısııa departamentiniń habarlaýynsha, kólikti 33 jastaǵy júrgizýshi basqarǵan.
«2023 jyly 23 mamyrda Qaraǵandyda «Lada» avtokóliginiń júrgizýshisi Ýnıversıtetskaıa kóshesimen kele jatyp, joldy belgilenbegen jerden kesip ótpek bolǵan 20 jastaǵy qyzdy qaǵyp ketken. Jol-kólik oqıǵasy saldarynan jaıaý júrginshi oqıǵa ornynda kóz jumdy. Atalǵan derek boıynsha qylmystyq is qozǵaldy, tergeý júrip jatyr», delingen Qaraǵandy oblystyq polısııa departamentiniń habarlamasynda.
Kýágerlerdiń aıtýynsha, jol apaty stýdentter jataqhanasynyń dál qarsy betinde bolǵan. Qazir oqıǵanyń barlyq mán-jaıy anyqtalyp jatyr.
Eske salsaq, buǵan deıin Qaraǵandy oblysyndaǵy Kókpekti stansııasynda motosıkl tizgindegen 17 jastaǵy jasóspirim segiz jastaǵy qyzdy qaǵyp ketken edi.
