Foto: Ashyq derekkóz
Zakon.kz málimetinshe, mınıstr Astana halyqaralyq qarjy ortalyǵy soty shyǵarǵan sot buıryǵy jaýapkerdiń qatysýynsyz, birjaqty tártipte qabyldanǵan jáne ol áli zańdy kúshine enbegenin aıtqan.
«Bul túpkilikti sheshim emes. Jaýapker 14 kún ishinde ony joıý týraly ótinish bere alady. Osydan keıin is eki taraptyń qatysýymen tolyq qaralady», dedi Erlan Sársembaev.
Eske salsaq, «Gazprom» men «Naftogaz» arasyndaǵy daý 2019 jylǵy reseılik gaz tranzıtine qatysty kelisimshart mindettemelerine baılanysty týyndaǵan. 2025 jyly Shveısarııa arbıtrajy osy is boıynsha sheshim shyǵarǵan.
Mınıstr Qazaqstannyń 1958 jylǵy Nıý-Iork konvensııasyna qatysýshy ekenin de eske salyp, Qazaqstan ózimen quqyqtyq baılanysy joq sheshimderdi oryndaý úshin «tranzıttik alańǵa» aınalmaıtyndyǵyn jetkizdi. Onyń sózinshe, sheteldik arbıtraj sheshimderin oryndaý ár memlekettiń ishki prosessýaldyq zańnamasyna saı júzege asady.
Eske sala keteıik, buǵan deıin Memleket basshysy «Astana» halyqaralyq qarjy ortalyǵynyń basqarýshysy Renat Bekturovty qabyldaǵan edi.
