О́ner ıesiniń aıtýynsha, «ZEIIN» – sońǵy eki jyl boıy úlken zeıinmen, tereń emosııamen jazylǵan alǵashqy tolyqqandy albomy. Ánshi jańa týyndysynda shynaıylyqqa, ishki sezimge jáne tyńdarmanmen emosıonaldy baılanysqa erekshe mán bergen.
«Jańa albom «ZEIIN» dep atalady. Nege deseńizder, bul men sońǵy eki jyl boıy barynsha zeıin salyp jazǵan alǵashqy albomym. Tyńdarmandarym da albomdy zeıin qoıyp tyńdasa eken dedim. Albomda ártúrli janrda, ártúrli stılde ánder bar. Sol ánderden árkim ózin tabady degen oıdamyn. Buryn ázildep tuńǵysh ulymnyń atyn Zeıin qoıamyn deıtinmin, albom da meniń tuńǵysh balam sııaqty, sol sebepti osylaı atadym. «ZEIIN» – men úshin tereń maǵyna», dedi Sadraddin.
Listening Party kezinde oryndaýshy jańa albomdaǵy trekterdi alǵash ret úlken arenada usynyp, kórermenderge birneshe tosyn syı daıyndaǵan. Onyń ishinde tyńdarmandar kútpegen fıt te bar.
Sadraddin 2025 jyldyń qorytyndysy boıynsha Iаndeks Mýzyka servısinen «Sýperlonch patshasy» ataǵyn alǵan bolatyn. Bul ataq oǵan «Qaragym-ai» tregi úshin berilgen.
«Kóbinese tyńdarmandar meniń ánderimdi Iаndeks Mýzykadan tyńdaıtynyn baıqaımyn. Meniń 3-4 jyl buryn jazǵan ánderimniń áli kúnge deıin top-chartta turǵanyn kórý maǵan árdaıym shabyt beredi, kúshti kóńil-kúı syılaıdy», dedi oryndaýshy.
О́ner ıesi bolashaqta kóbirek mýzykalyq eksperımentter jasaǵysy keletinin de jetkizdi. Onyń aıtýynsha, qazir oǵan ındı-pop pen ındı-rok janry jaqyn. Aldaǵy ýaqytta sol baǵyttaǵy jumystardy da usynýy múmkin.
