Foto: silkroadnews.org
Qytaı Azııa-Tynyq muhıty aımaǵyndaǵy elderdi birlesip qarsy turýǵa jáne asa saq bolýǵa shaqyrdy. Buǵan Japon lıberaldy-demokratııalyq partııasynyń qorǵanys shyǵyndaryn ulǵaıtýǵa baǵyttalǵan úkimettik jobasy túrtki bolǵan. Bul týraly syrtqy ister mınıstrliginiń resmı ókili Go Szıakýn málimdedi. Onyń aıtýynsha ótken jyly Japonııanyń qorǵanys salasyna jumsaǵan shyǵyny 9,7 paıyzǵa ósip, rekordtyq deńgeıge jetken.
- Japonııanyń qarý-jaraq ımporty sońǵy 5 jylda 76 paıyzǵa artty. Qorǵanys bıýdjeti 14 jyl qatarynan ósip keledi. Soǵan qaramastan áli de áskerı shyǵyndaryn kóbeıtýge múddeli. Bul beıbitshilik úshin jasalǵan áreket emestigin taǵy bir aıqyndaıdy. Japonııanyń neomılıtarızmge bet burǵanyn kórsetedi, deıdi Qytaı Syrtqy ister mınıstrliginiń resmı ókili Go Szıakýn.
