Foto: egemen.kz/Qyrmyzy Jumaǵalıqyzy
Densaýlyq saqtaý mınıstrliginiń málimetinshe, bul sharalar elimizde dárigerler tapshylyǵyn 20,4%-ǵa, orta býyn medısına qyzmetkerleriniń tapshylyǵyn 13%-ǵa tómendetýge, kadrlarmen qamtamasyz etý deńgeıin EYDU elderi deńgeıine jetkizýge, sondaı-aq sońǵy 5 jyldyń ishinde medısına qyzmetkerleriniń syrtqy kóshi-qonyn shamamen 5 esege qysqartýǵa múmkindik bergen. Atap aıtqanda, sońǵy eki jyldyń ishinde medısına qyzmetkerleriniń kásibı jaýapkershiligin saqtandyrýǵa, qyzmettik mindetterin atqarý kezinde medısına qyzmetkerlerine qatysty dene jaraqatyn keltirý men qatygezdik kórsetý úshin jaýapkershilikti kúsheıtýge baǵyttalǵan birqatar zań qabyldandy, sondaı-aq qaýipsiz eńbek jaǵdaılaryn qamtamasyz etý boıynsha sharalar engizildi.
Aýyldyq jerlerdegi asa tapshy mamandyqtar boıynsha (akýsherlik jáne gınekologııa, pedıatrııa, anestezıologııa jáne reanımatologııa jáne t.b.) medısına qyzmetkerlerin yntalandyrý maqsatynda 100 eń tómengi jalaqy mólsherinde nemese 8,5 mln teńge kóleminde birjolǵy áleýmettik tólemder berý kózdelgen. Sonymen qatar medısına qyzmetkerlerine qyzmettik turǵyn úı berý, kóterme járdemaqy tóleý, kommýnaldyq shyǵystardy óteý jáne basqa da jeńildikter túrinde qosymsha áleýmettik qoldaý sharalary qarastyrylǵan.
Ushaqtaǵy tosyn jaǵdaı: Dáriger júkti áıelge áýede kómek kórsetti
Medısına kadrlarynyń syrtqy kóshi-qony aıtarlyqtaı qysqarǵany baıqalady. Sońǵy bes jyldyń ishinde shetelge ketetin mamandardyń sany shamamen 5 esege azaıǵan. Máselen, 2021 jyly – 904, 2022 jyly – 668, 2023 jyly – 429, 2024 jyly – 280, 2025 jyly – 186 maman shetelge qonys aýdarǵan.
