Prezıdent Joldaýyn talqylaýǵa arnalǵan dóńgelek ústelde Qazaq ǵylymı-zertteý mádenıet ınstıtýty bas dırektorynyń ǵylymı jumystar jónindegi orynbasary, fılosofııa ǵylymdarynyń kandıdaty, sarapshy Galına Povalıashko óz pikirimen bólisti.
Mádenıet salasy qyzmetkerleri úshin Joldaýdyń jetinshi baǵyty mańyzdy sanalady. Ásirese «Adamı kapıtal – jańǵyrý negizi» erekshe nazarda, bul jerde mádenıetimizdi odan ári damytý úshin ulttyń áleýetin arttyrý týraly tereń oı qozǵalǵan. «Rýhanı jańǵyrýdyń» mán-mańyzy da naq osynda. О́ziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis», delingen Joldaý mátininde.
– Prezıdent Nursultan Nazarbaevtyń Joldaýy qazaqstandyqtardyń kókeıindegi kóptegen saýaldarǵa jaýap beredi. Ol elimizdiń álemdik sapa standarttaryna umtylysynyń durystyǵyn dáleldedi. Basymdyqtar arasynda, ásirese adamı kapıtaldyń jańa sapasy kórsetilgeni asa mańyzdy: muǵalim kásibiniń mártebesi artady, densaýlyq saqtaý salasynda ózgerister júzege asyrylady, bazalyq zeınetaqy mólsheri ósedi. Al bizdiń qazirgi basty mindetimiz – mádenıet pen ónerimizdi odan ári damytý. Elbasynyń arqasynda jyl saıyn elimizde jańa ǵylymı ortalyqtar, mádenıet mekemeleri, saıabaqtar ashylýda. Zııatkerlik mektepter, sondaı-aq Nazarbaev Ýnıversıteti, «Astana Opera», Ulttyq murajaı, «Astana Balet» teatry tárizdi qanshama mádenıet oshaqtary men halyqqa rýhanı qyzmet kórsetetin oryndar boı kóterdi. Horeografııa akademııasy salyndy – osynyń bári elimizdiń rýhanı-mádenı damýyna Prezıdentimizdiń jasap jatqan orasan zor eńbegi, – dep atap ótti teatr dırektory Ǵalym Ahmedıarov.
Qarshyǵa KÚLEN
ASTANA
