El eńsesi bıikteı beredi

О́skemende oblys ákimi B.Sapar­bae­v­tyń qatysýymen «Alǵashqy naryqtyq reformalardan ındýstrııalyq-ınnova­sııa­lyq jań­ǵyr­týǵa. Shyǵys Qazaqstan oblysynyń Táý­elsizdik jyldaryndaǵy damýy» atty dóń­ge­lek ústel ótti. El Táýelsizdiginiń 20 jyldyǵyna oraı ótkizilgen basqosýǵa Qazaqstannyń gýma­nı­tar­lyq-saıası konıýnktýra ortalyǵynyń prezıdenti Esenjol Alııarov, saıasattanýshy Aıdos Sarym, oblystaǵy saıası partııa­lar­dyń, etnomádenı birlestikterdiń, memlekettik emes uıymdar men dinı konfess­ııa­lar­dyń ókilderi qatysyp, táýelsizdik tuǵyryn bıiktetip, kópultty halqymyzdyń tamyry tereń rýhanı birligi men tatýlyǵyn ny­ǵaı­typ, memleket ekonomıkasyn damytýdyń, qoǵamdaǵy saıası turaqtylyqty saqtaýdyń, halyqtyń demografııalyq ósimin ulǵaıtyp, densaýlyǵyn, ál-aýqatyn odan ári artty­rý­dyń joldary men basym baǵyttaryn áńgime arqaýy etti. – Búgingi shara ótkenimizdi saralap, bo­lashaǵymyzdy baǵdarlap, nege jettik, neni qolǵa alýymyz kerek degen saýaldarǵa jaýap izdeý maqsatynda táýelsiz elimizdiń, onyń bir quramdas bóligi – Shyǵys Qazaqstannyń damyp, órkendeýi úshin qolǵa alynýy qajet mańyzdy mindetter jóninde oı qozǵap, pikir almasý úshin ótkizilip otyr. Elimizdiń ındýs­trııalyq-agrarly aımaǵy bolyp otyrǵan bizdiń óńirde 20 jyl ishinde ekonomıka qar­qyny búkil elimizdegideı 5-7 paıyzǵa ósip, 8,5 esege artty, óńirlik jalpy ónim kólemi qazirgi kúni 1 trıllıon 280 mıllıard teń­geni qurady. Elimizdiń ındýstrııalyq-ınno­vasııalyq damý baǵdarlamasy aıasynda ın­dýs­trııalandyrý kartasyna oblystan 605 mıllıard teńgeniń 37 jobasy enip otyr. О́tken jyly sonyń 12-si júzege asyrylsa, bıylǵy jyldyń aıaǵyna deıin 47 mıllıard teńgeniń jobasy iske qosylmaq. О́ńirdiń aýyl sharýashylyǵy da qarqyndy damý ústinde. Qurǵaqshylyqqa qaramastan kúzde astyq túsimi gektarynan 12 sentnerden aı­na­lyp, 600 myń tonna astyq jınaldy. Aýyl sharýashylyǵy salasynda maral men omarta sharýashylyǵyn órkendetýge de úlken mán berilýde. Áleýmettik-mádenı nysandar ja­ńar­tylyp, jumystary jetildirilýde. Bir ǵana mysal keltireıin, qazirgi kúni oblysta 37 jańa mektep salynýda. Keler jyly aımaqta birde-bir apattyq jaǵdaıdaǵy mektep bolmaıdy. О́ńir ekonomıkasynyń órken­dep, damýy nátıjesinde 20 jylda halyqtyń tabysy 10 esege artty, – dedi jıyndy ashqan oblys ákimi Berdibek Saparbaev. Búgingi kúni oblysta jumyssyzdyq deń­geıi elimizdegi jalpy ortasha kórsetkishten tómen bolyp (respýblıkalyq kórsetkish – 5,4), 5,1 paıyzdy qurap otyr. Respýblı­ka­lyq «Jol kartasy» baǵdarlamasy aıaqtalǵa­ny­men oblysta óziniń «Jol kartasy» jalǵa­sýda. Oǵan oblystyq bıýdjetten 3,7 mıllıard teńge bólingen. Oblys ortalyǵy О́skemende ashylǵan respýblıkadaǵy eń alǵashqy etnoaýyl da Shyǵys Qazaqstanda táýelsiz elimizdi, jerimizdi meken etken ulttardyń ótkeni men búginin qadirlep, qarapaıym halyqtyń salt-dástúri men ómirin urpaqtan urpaqqa jetkizýdi kózdeýden, dostyq pen tatýlyqty tý etýden týǵan is, tamasha mádenı-tarıhı nysan. Dóń­gelek ústelde Qazaqstannyń qo­ǵam­­dyq saıası damýy kezeńderine toqtalyp, jas memleke­ti­mizdiń ekonomıkalyq, saıası turaqty el bo­lýy Otanymyzdy meken etken barlyq ult ókilderiniń yntymaqtastyǵynan bastaý ala­tyndyǵyn aıtqan Qazaqstannyń gýmanıtar­lyq-saıası konıýnktýra orta­ly­ǵy­nyń prezıdenti Esenjol Alııarov sol izgi maqsattarǵa jetýde О́skemendegi osyndaı etnoaýyldyń, aımaqta jumys istep jatqan ulttyq mádenı ortalyqtardyń alyp otyr­ǵan orny, kóterip otyrǵan júgi erekshe ekendigin jetkizdi. О́tken ǵasyrdyń 90-jyldarynan bastap birneshe jyl boıy buǵaýlap, turalatqan eko­nomıkalyq, qarjylyq qıyndyqtardy je­ńip, óndirisi órkendep, eli men jeri kórkeı­ip, gúldengen, atyn tórtkúl dúnıe moıy­n­daǵan Qazaqstan 20 jylda tanymastaı bo­lyp ózgerdi. Memleketimizdiń óńirlerin ór­ken­detý, ekologııalyq ahýaldy, halyqtyń densaýlyǵyn ońaltý, jumyssyzdyqty azaıtý, ultymyzdyń bolashaǵyn baıandy etý jolynda áli talaı sharýalar kútip tur. Sóz alǵan saıasattanýshy Aıdos Sarym, Shyǵys Qazaqstan memlekettik tehnıkalyq ýnıver­sı­tetiniń professory Evgenıı Grıgorev, taǵy da basqa qatysýshylar sol murattarǵa je­týdiń egjeı-tegjeıine toqtalyp, ózderi­niń usynys-pikirlerin ortaǵa saldy. Ońdasyn ELÝBAI, О́skemen.